ملک میں کورونا معاملوں کی تعداد 81 ہزار سے زیادہ ہوگئی

گزشتہ 24 گھنٹوں میں 13 افراد کی موت ہوئی ہے۔ اس کے ساتھ ہی ملک میں اس وبا سے مرنے والوں کی تعداد بڑھ کر مجموعی طور سے 524903 ہو گئی ہے۔

فائل تصویر یو این آئی
فائل تصویر یو این آئی
user

یو این آئی

ملک میں گزشتہ 24 گھنٹوں کے دوران کورونا وائرس انفیکشن کے 12,249 نئے معاملے سامنے آنے کے ساتھ ہی متاثرین کی کل تعداد بڑھ کر 43330945 ہو گئی ہے .صحت و خاندانی فلاح و بہبود کی مرکزی وزارت نے بدھ کو بتایا کہ ملک میں کورونا کے فعال مریضوں کی تعداد 81,687 ہے۔ ملک میں ایکٹو کیسز کی شرح 0.19 فیصد ہے۔ روزانہ انفیکشن کی شرح 3.94 فیصد ریکارڈ کی گئی ہے۔

وزارت نے کہا کہ گزشتہ 24 گھنٹوں میں 13 افراد کی موت ہوئی ہے۔ اس کے ساتھ ہی ملک میں اس وبا سے مرنے والوں کی تعداد بڑھ کر مجموعی طور سے 524903 ہو گئی ہے۔ ملک میں کووڈ-19 سے ہونے والی اموات کی شرح 1.21 فیصد ہے۔ اسی مدت میں 9862 لوگ کووڈ سے صحت یاب ہوئے ہیں۔ اب تک کل 42725055 لوگ کووڈ سے صحت یاب ہوئے ہیں۔ بحالی کی شرح 98.60 فیصد ہے۔


گزشتہ 24 گھنٹوں میں ملک میں 3,10,623 کووڈ ٹیسٹ کیے گئے ہیں۔ ملک میں اب تک کل 85.88 کروڑ کووڈ ٹیسٹ کیے جا چکے ہیں۔

مہاراشٹر میں ایکٹو معاملوں کی تعداد 302 بڑھ کر 24915 ہو گئی ہے اور مزید 3356 افراد کے صحت یاب ہونے کے بعد اس سے چھٹکارا پانے والوں کی تعداد 7768958 ہو گئی ہے، جب کہ مرنے والوں کی تعداد 147889 ہو گئی ہے۔


کیرالہ میں پچھلے 24 گھنٹوں میں فعال کیسوں کی تعداد 315 بڑھ کر 23460 ہوگئی ہے۔ اس کے ساتھ ہی 2286 افراد کے صحت یاب ہونے کے بعد اس سے صحتیاب ہونے والوں کی تعداد 6511136 ہو گئی ہے جب کہ مرنے والوں کی تعداد 69897 ہو گئی ہے۔

دہلی میں ایکٹو معاملے 220 بڑھ کر 5595 ہو گئے ہیں۔ ریاست میں مزید 1162 افراد نے اس مہلک وائرس سے صحت یاب ہوئے جس کے بعد کورونا سے صحتیاب ہونے والوں کی کل تعداد بڑھ کر 1892698 ہو گئی ہے۔ اس وبا سے اب تک 26239 افراد ہلاک ہو چکے ہیں۔


کرناٹک میں ایکٹو کیسز 38 کم ہو کر 1450 پر آ گئے ہیں۔ اس دوران 86 مریض صحت یاب ہونے کے بعد اس وبا سے نجات پانے والوں کی کل تعداد 3904577 ہوگئی ہے۔ ریاست میں مرنے والوں کی تعداد 40057 پر مستحکم ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔