دہلی میں کورونا کی دہشت، 1900 سے زیادہ نئے کیس آئے، پازیٹیوٹی شرح بھی بڑھی

دہلی میں کورونا کا خوف بڑھتا ہی جا رہا ہے کیونکہ روز نئے معاملوں میں اضافہ ہو رہا ہے۔ گزشتہ 24 گھنٹوں میں کورونا کے 1934 نئے معاملے درج ہوئے ہیں۔

فائل تصویر یو این آئی
فائل تصویر یو این آئی
user

قومی آوازبیورو

دہلی میں ایک بار پھر کورونا کیسز بڑھ رہے ہیں۔ گزشتہ 24 گھنٹوں میں قومی راجدھانی میں 1934 معاملے درج کیے گئے ہیں۔ محکمہ صحت کی طرف سے جاری کردہ اعداد و شمار کے مطابق انفیکشن کی شرح 8.10 فیصد ریکارڈ کی گئی ہے جبکہ 24 گھنٹوں میں 23879 نمونوں کی جانچ کی گئی۔

دہلی میں نئے کیسز کے ساتھ، کورونا وائرس کے انفیکشن کے کل کیسز کی تعداد بڑھ کر 19,27,394 ہو گئی ہے اور مرنے والوں کی تعداد 26,242 ہے۔


بدھ کو شہر میں 928 نئے کیسز سامنے آئے اور انفیکشن کی شرح 7.08 فیصد ریکارڈ کی گئی۔ منگل کو 7.22 فیصد انفیکشن کی شرح کے ساتھ 1,383 نئے کیسز رجسٹرڈ ہوئے۔ دہلی میں وبا کے نئے کیس کل کے اعداد و شمار سے 108 فیصد زیادہ ہیں۔

4 فروری کو دارالحکومت میں 3.85 فیصد انفیکشن کی شرح کے ساتھ 2,272 کیس رپورٹ ہوئے اور 20 لوگوں کی موت ہوئی۔


محکمہ صحت کے مطابق شہر کے اسپتالوں میں 9,496 کوویڈ 19 بستروں میں سے صرف 265 پر مریض ہیں اور ایک دن پہلے یہ تعداد 263 بستروں کی تھی۔ اسی وقت، کووڈ کیئر سنٹرز اور کووڈ ہیلتھ سنٹرز میں بستر خالی پڑے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔