کنگز کپ: ہندوستان کو عراق کے خلاف پنالٹی شوٹ آؤٹ میں شکست

عراق نے اپنی سبھی پنالٹی گول میں تبدیل کیں جبکہ برینڈن فرنینڈس کی مس ہوئی پنلٹی ہندوستانی ٹیم کی شکست کی وجہ بنی۔

<div class="paragraphs"><p>تصویر آئی اے این ایس</p></div>

تصویر آئی اے این ایس

user

یو این آئی

ہندوستان شاندار کھیل کی بدولت 49 ویں کنگز کپ کے سیمی فائنل میں فتح کے قریب پہنچنے کے باوجود پنالٹی شوٹ آؤٹ میں عراق سے ہار گیا۔ اس شکست کے ساتھ ہی ہندوستان کا 12 میچوں تک ناقابل شکست رہنے کا سلسلہ ختم ہوگیا۔

اپنے اسٹار کھلاڑی سنیل چھتری کی غیر موجودگی میں کھیل رہی ہندوستانی ٹیم نے میچ کے ابتدائی مرحلے میں ہی تاریخ رقم کرنے کا عزم ظاہر کیا جب نورم مہیش سنگھ نے ساحل عبدالصمد کے شاندار پاس کا فائدہ اٹھاتے ہوئے ہندوستانی شائقین کی امیدیں جگائیں۔ 16ویں منٹ میں تاہم عراق نے فوری جواب دیا اور 28ویں منٹ میں پنالٹی اسپاٹ سے گول کر کے برابر کر دیا۔


دوسرے ہاف میں عراق کے گول کیپر حسن نے خود ہی گول کر کے ہندوستان کو برتری دلا دی۔ ہندوستان کی 2-1 کی برتری کے ساتھ، ہندوستان نے دفاع پر توجہ مرکوز کی جس نے عراقی کھلاڑیوں کو محدود کردیا۔ 80ویں منٹ میں عراق کی دوسری پنالٹی نے مقابلے میں جان ڈال دی۔ امین الحموی نے گول کرکے اسکور برابر کیا۔

آخرکار میچ دلچسپ موڑ پنالٹی شوٹ آوٹ میں چلا گیا جہاں عراق نے فائنل میں جگہ یقینی کرنے کے لئے اپنے سبھی پنالٹی کو گول میں تبدیل کیا ۔ برینڈن فرنینڈس کی مس ہوئی پنلٹی ہندوستانی ٹیم کی شکست کی وجہ بنی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;