شاہ رخ خان کو ملی جان سے مارنے کی دھمکی، کنگ خان کی سیکیورٹی بڑھی

بالی ووڈ کنگ شاہ رخ خان کو جان سے مارنے کی دھمکی کے بعد ممبئی پولیس نے اداکار کی سیکیورٹی بڑھا دی ہے۔ کنگ خان کو اب Y+ سیکیورٹی دی گئی ہے۔

<div class="paragraphs"><p>فائل تصویر آئی اے این ایس</p></div>

فائل تصویر آئی اے این ایس

user

قومی آوازبیورو

بالی ووڈ اسٹار شاہ رخ خان اس وقت باکس آفس کے بادشاہ ہیں۔ ان کی دو بیک ٹو بیک فلمیں پٹھان اور اب جوان نے کمائی کے تمام ریکارڈ توڑ دیے ہیں۔ اس سب کے درمیان خبریں آرہی ہیں کہ شاہ رخ خان کی جان کو خطرہ ہے۔ ایسے میں کنگ خان پر منڈلاتے خطرے کو دیکھتے ہوئے ممبئی پولیس نے شاہ رخ خان کو Y+ سیکیورٹی دی ہے۔

ممبئی پولیس سے موصول ہونے والی معلومات کے مطابق شاہ رخ خان نے ریاستی حکومت کو تحریری شکایت دی تھی کہ فلم 'پٹھان' اور 'جوان' کے بعد انہیں جان سے مارنے کی دھمکیوں کی کالز موصول ہو رہی ہیں۔ مہاراشٹر حکومت نے اداکار شاہ رخ خان کو مبینہ طور پر جان سے مارنے کی دھمکیاں ملنے کے بعد ان کی سیکورٹی بڑھا کر Y+ کر دی ہے۔


شاہ رخ خان کو ممبئی پولیس کی طرف سے فراہم کردہ Y+ سیکیورٹی میں 6 پرسنل سیکیورٹی آفیسرز 5 ہتھیاروں کے ساتھ 24 گھنٹے ان کے ساتھ ہوں گے۔ دراصل پولیس کو خفیہ اطلاع ملی تھی کہ شاہ رخ خان کی جان کو خطرہ ہے، حال ہی میں ان کی فلم پٹھان اور جوان کے ہٹ ہونے کے بعد شاہ رخ انڈر ورلڈ اور گینگسٹرز کے نشانے پر ہیں۔ اس سے پہلے صرف دو پولیس اہلکار ان کی حفاظت میں تھے۔ کنگ خان کی Y+ سیکیورٹی کے اخراجات شاہ رخ خان خود برداشت کریں گے۔ اداکار کو یہ رقم مہاراشٹر حکومت کو ادا کرنی ہوگی۔

آپ کو بتاتے چلیں کہ گزشتہ سال کے شروع میں لارنس بشنوئی گینگ کی دھمکیوں کے بعد بالی ووڈ اداکار سلمان خان کو Y+ سیکیورٹی فراہم کی گئی تھی۔ شاہ رخ خان ممبئی انڈرورلڈ کے ساتھ تنازعات کا شکار رہے ہیں اور انہیں دھمکیوں کا سامنا کرنے کے لیے جانا جاتا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;