کریمنل جسٹس 4 کا ریکارڈ توڑ آغاز

بالی ووڈ اداکار پنکج ترپاٹھی کی کورٹ روم ڈرامہ سیریز 'کرمینل جسٹس: اے فیملی میٹر' نے او ٹی ٹی کی تاریخ میں ایک نیا ریکارڈ بنایا ہے اور پہلے دن 84 لاکھ ویوز کے ساتھ ہندی اوریجنل زمرے میں اب تک کی سب سے بڑی اوپننگ حاصل کی ہے۔جیو ہاٹ ااسٹارپر ریلیز ہونے کے چند گھنٹوں کے اندر، یہ شو کسی بھی ہندی سیریزکے لیے سب سے زیادہ دیکھا جانے والا شوبن گیا اور اسے ثقافتی اور ڈیجیٹل رجحان کے طور پر پہچانا گیا۔

بی بی سی اسٹوڈیوز انڈیا کے تعاون سے اپلاؤز انٹرٹینمنٹ کی طرف سے تیار کردہ اور روہن سپی کی ہدایت کاری میں بننے والی یہ سیریز 29 مئی کو تین قسطوں کے ساتھ شروع ہوئی۔ اب ہر ہفتے ایک نئی قسط ریلیز ہو رہی ہے۔ پنکج ترپاٹھی اس سیزن میں اپنے مقبول کردار مادھو مشرا کے کردار میں واپس آئے ہیں۔

پنکج ترپاٹھی نے اپنے کردار کے بارے میں کہا، "مادھو مشرا کا کردار ادا کرنا میرے لیے ہمیشہ سے ایک جذباتی سفر رہا ہے۔ یہ میرے دل کے بہت قریب ہے۔ جب میں ناظرین کو اس کردار سے جڑتے دیکھتا ہوں تو مجھے بے حد اطمینان ہوتا ہے۔ ان کے ردعمل نے مجھے اس کردار کو مزید سچائی اور لگن کے ساتھ ادا کرنے کی ترغیب دی۔ میں تمام ناظرین کی محبت اور حمایت کا تہہ دل سے شکر گزار ہوں۔