معروف فلم اداکار سنجے دت پھیپھڑے کے کینسر میں مبتلا

نامور فلمی صحافی کومل ناتھ نے آج ٹیوٹر پر یہ اطلاع دی ہے کہ سنجے دت کو پھیپھڑوں کا کینسر ہوگیا ہے ان کے لئے دعاکیجیئے

تصویر سوشل میڈیا ٹویٹر 
تصویر سوشل میڈیا ٹویٹر
user

یو این آئی

لیلاواتی اسپتال میں سانس میں تکلیف ہونے کے بعد اور کورونا کی رپورٹ منفی آنے کے بعد اطلاع ملی ہے کہ سنجے دت کو ایک نئےموذی مرض نے گھیرلیا ہے اور ایسی اطلاع ملی ہیں کہ انہیں پھیپھڑے یعنی لنگس کا کینسر ہوگیا ہے ۔

واضح رہے معروف اداکار سنجے دت نے اپنی زندگی میں بہت تکالیف برداشت کی ہیں ۔ بالی وڈ کے انتہائی کامیاب اداکار سنجے دت کو 1993 کے سلسلہ وار بم دھماکوں میں سزا بھی ملی تھی ۔61 سالہ اداکار سنجے دت کو گذشتہ دنوں لیلا وتی اسپتال میں داخل کیا گیا تھا جہاں ان کے متعدد طبی معائنہ کئے گئے۔ نامور فلمی صحافی کومل ناتھ نے آج ٹیوٹر پر یہ اطلاع دی ہے کہ سنجے دت کو پھیپھڑوں کا کینسر ہوگیا ہے ان کے لئے دعاکیجیئے خو دسنجے دت نے بھی اپنے ٹیوٹر پر اس بات کی اطلاع دی ہےکہ وہ اب فلموں اور دیگر سرگرمیوں سے مختصر رخصت لیں گے اور اپنی صحت و علاج کے لئے توجہ مرکوز کریں گے-


انہوں نے اپنے مداحوں سے بھی گذارش کی ہے کہ وہ غیر ضروری طور پر یہ قیاس آرائیاں نہ کریں نیز اپنے مداحوں کی دعائوں اور پیار کے عوض وہ جلد ہی فلموں میں دکھائی دیں گے۔ایسی اطلاع بھی موصول ہوئی ہے کہ سنجے دت کینسر کے علاج کےلئے جلد ہی امریکہ روانہ ہونگے۔واضح رہے کہ سنجے دت کی اہلیہ مانیتا اور انکے دونوں بچے فی الوقت دبئی میں قیام پذیر ہیں اور لاک ڈائون کے سبب انکی اب تک وطن واپسی نہیں ہوئی ہے۔

واضح رہے سنجے دت کی ویسے تو کئی فلمیں مشہور ہوئی ہیں اور باکس آفس پر زبردست ہٹ رہی ہیں لیکن ان کی منا بھائی ایم بی بی ایس اور منا بھائی لگے رہو انتہائی مقبول رہی ہیں۔ معروف اداکار سنیل دت اور اداکارہ نرگس کے بیٹے سنجے دت کی ایک بہن ہیں اور تین بچے ہیں۔ سنجے دت کی بہن پریا دت سیاست داں ہیں اور پارلیمنٹ میں کانگریس کی نمائندگی کر چکی ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 12 Aug 2020, 6:47 AM