تاپسی پنو اور پروڈکشن ہاؤسز کے خلاف ثبوت ملنے کا دعویٰ

انکم ٹیکس محکمہ نے کہا ہےکہ بالی وڈ اداکارہ تاپسی پنو کے خلاف پانچ کروڑ روپیے نقد لینے کے ثبوت ملے ہیں۔

فائل تصویر آئی اےاین ایس 
فائل تصویر آئی اےاین ایس
user

یو این آئی

محکمہ انکم ٹیکس کی جانب سے گزشتہ روز کی گئی چھاپے ماری میں اداکارہ تاپسی پنو کے یہاں سے پانچ کروڑ روپیے نقد لینے کی اطلاع ملی ہے جبکہ دو پروڈکشن ہاؤسز نے 300 کروڑ روپیے سے زیادہ کے بارے میں درست معلومات نہیں دی ہیں۔

محکمہ نے آج یہاں جاری ایک بیان میں یہ اطلاع دیتے ہوئے کہا کہ بالی وڈ اداکارہ کے پانچ کروڑ روپیے نقد لینے کے ثبوت ملے ہیں۔ اس نے کہا کہ گزشتہ روز پروڈکشن ہاؤس سانگ اور دو ٹیلنٹ ہنٹ کمپنیوں اور ایک بالی وڈ اداکارہ کے یہاں چھاپے ماری کی کاروائی کی گئی تھی۔ چھاپہ ماری ممبئی، پونے، دہلی اور حیدرآباد میں کی گئی۔ جس گروپ پر یہ چھاپہ ماری کی گئی وہ گروپ موشن پکچر، ویب سیریز، ایکٹنگ، ڈائریکشن اور سیلیبرٹیز کے ٹیلنٹ مینیجمنٹ کا کام کرتی ہے۔ مجموعی طور پر 28 احاطوں پر چھاپہ ماری کی گئی جن میں رہائشی اور دفتر شامل ہیں۔


محکمہ نے کہا کہ تلاشی کے دوران پروڈکشن ہاؤس کی جانب سے باکس آفس پر اکٹھا کی گئی حقیقی رقم میں ہیر پھیر کرنے کے ثبوت ملے ہیں۔ کمپنی کے افسر تقریباً 300 کروڑ روپیے کے معاملے میں صحیح سے جواب نہیں دے پائے۔

محکمہ نے کہا کہ پروڈکشن ہاؤس کے فلم ہدایت کاروں میں اور شیئر ہولڈر میں شیئر لین دین کو کم دکھایا گیا اور اس میں ہیراپھیری کی گئی۔ تلاشی کے دوران 7 لاکر پائے گئے ہیں جن پر روک لگائی گئی ہے۔ اسی کے ساتھ دونوں ٹیلنٹ مینجمنٹ کمپنیوں کے یہاں سے بھی بڑے پیمانے پر ڈیجیٹل ڈاٹا ضبط کیے گئے ہیں۔ اس معاملے کی ابھی تحقیقات جاری ہے۔


واضح رہے انکم ٹیکس کےان چھاپوں پر سیاست بھی جاری ہے۔ سوشل میڈیا میں یہ بھی چل رہا ہےکہ تاپسی پنو کے خلاف کارروائی کی وجہ اس کا بے باکی کےساتھ اداکارہ کنگنا رنوت کے خلاف ٹویٹ کرنا اور کسانوں کےحق میں ٹویٹ کرنا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔