یہ فلمی ستارے رام مندر پران پرتشٹھا تقریب میں شرکت کے لیے ایودھیا روانہ

ایودھیا میں آج رام مندر پران پرتشٹھا کا ایک عظیم الشان پروگرام ہونے جا رہا ہے۔ اس تاریخی لمحے کو دیکھنے کے لیے بالی ووڈ کے کئی بڑے ستارے ایودھیا پہنچ گئے ہیں۔

<div class="paragraphs"><p>فائل تصویر آئی اے این ایس</p></div>

فائل تصویر آئی اے این ایس

user

قومی آوازبیورو

ایودھیا میں آج رام مندر پران پرتشٹھا کی ایک شاندار تقریب ہونے جا رہی ہے۔ شمالی ہندوستان رام کی عقیدت میں ڈوبا ہوا  نظر آ رہا ہے ۔  اس کے ساتھ ہی اس تاریخی لمحے کا مشاہدہ کرنے کے لیے ہر شعبے کے  لوگ  رام نگری ایودھیا پہنچ رہے ہیں۔ بالی ووڈ کے کئی بڑے سیلیبس بھی پران پرتشٹھا  پروگرام میں شرکت کے لیے ایودھیا روانہ ہو گئے ہیں۔

پیر کو بالی ووڈ کی کئی مشہور شخصیات نے ایودھیا میں رام للا کے تقدس کی تقریب میں شرکت کے لیے ممبئی ایئر پورٹ سے روانگی کی۔ کترینہ کیف اور وکی کوشل نے بھی ایودھیا کی فلائٹ لی۔ اس دوران کترینہ اور وکی کوشل روایتی لباس میں بہت اچھے لگ رہے تھے۔کترینہ کیف نے اس خاص موقع پر پیلے رنگ کی سلک ساڑھی پہنی تھی اور وہ بہت خوبصورت لگ رہی تھیں۔ وکی کوشل بھی سلک کے کرتا پاجامہ میں بہت اچھے لگ رہے تھے۔


بالی ووڈ کے شہنشاہ یعنی امیتابھ بچن کو بھی ممبئی ایئرپورٹ پر دیکھا گیا۔ بگ بی بھی رام مندر پران پرتشٹھا  کی تقریب میں شرکت کے لیے ایودھیا روانہ ہو گئے ہیں۔ اس دوران امیتابھ بچن سفید کرتہ پاجامہ میں نظر آئے۔ امیتابھ بچن جیسے ہی گاڑی سے نیچے اترے وہ سیدھے ایئرپورٹ کے اندر چلے گئے۔

اداکار رنبیر کپور بھی اپنی اہلیہ عالیہ بھٹ کے ساتھ رام مندر پران پرتشٹھا  کے لیے روانہ ہوئے۔ اس دوران رنبیر دھوتی اور کرتہ پہنے نظر آئے۔ عالیہ بھٹ نے نیلے رنگ کی ساڑی پہنی ہوئی تھی۔ اس دوران عالیہ بھٹ اور رنبیر کپور کے ساتھ بھارتی پولیس فورس کے ڈائریکٹر روہت شیٹی بھی نظر آئے۔


بالی ووڈ کے معروف اداکار جیکی شراف بھی رام مندر پران پرتشٹھا کے پروگرام میں شرکت کے لیے ایودھیا روانہ ہو گئے ہیں۔ اس دوران اداکار نے سفید کرتہ پاجامہ پہن رکھا تھا اور گلے میں سرخ رنگ کا مفلر تھا۔ جیکی نے اپنے ہاتھوں میں ایک پودا  بھی لیا ہوا تھا ۔

بالی ووڈ کی دھک دھک گرل مادھوری دکشت  بھی اپنے شوہر نینے کا ہاتھ پکڑ کر ایودھیا روانہ ہوگئیں۔ اداکارہ نے پران پرتشٹھا پروگرام میں شرکت کے لیے پیلے رنگ کی ساڑی پہنی ہوئی تھی۔ ان کے شوہر شری رام نینے نے میرون رنگ کے کرتہ کے ساتھ سفید پاجامہ پہنا تھا۔


ڈریم گرل 2 کے اداکار آیوشمان کھرانہ کو بھی ممبئی ایئرپورٹ پر دیکھا گیا۔ آیوشمان کھرانہ بھی رام للا کے پران پرتشٹھا  پروگرام میں شرکت کے لیے ایودھیا روانہ ہو گئے ہیں۔ اس دوران اداکار کو سفید کرتہ پاجامہ کے ساتھ جیکٹ پہنے دیکھا گیا۔

واضح رہے کہ ایودھیا میں تاریخی لمحے کا مشاہدہ کرنے کے لیے بالی ووڈ کے کئی دوسرے مشہور اداکار پہلے ہی ایودھیا پہنچ چکے ہیں۔ اس کے ساتھ ہی پران پرتشٹھا کے پروگرام میں حصہ لینے کے لیے ساؤتھ سے کئی مشہور شخصیات بھی ایودھیا پہنچ رہی ہیں۔ ان میں رجنی کانت سے لے کر کئی بڑے ساؤتھ سپر اسٹارز شامل ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


/* */