گوا انٹرنیشنل فلم فیسٹیول میں ارجنٹائن کی آٹھ فلمیں دکھائی جائیں گی

روڈریگو گوریرو کی ہدایت کاری میں بننے والی 2021 کی فلم 'سیون ڈاگس' کو بین الاقوامی مقابلے کے زمرے کے تحت باوقار گولڈن پیکاک کے لیے نامزد کیا گیا ہے۔

فائل تصویر آئی اے این ایس
فائل تصویر آئی اے این ایس
user

یو این آئی

سنیما کی شاندار روایت کے حامل ملک ارجنٹینا کی آٹھ فلموں کو ہندوستان کے 53ویں بین الاقوامی فلم فیسٹیول میں نمائش کے لیے منتخب کیا گیا ہے۔ ان میں سے روڈریگو گوریرو کی ہدایت کاری میں بننے والی 2021 کی فلم 'سیون ڈاگس' کو بین الاقوامی مقابلے کے زمرے کے تحت باوقار گولڈن پیکاک کے لیے نامزد کیا گیا ہے۔

وزارت اطلاعات و نشریات کی جانب سے جاری کردہ ایک ریلیز کے مطابق صرف 80 منٹ طویل اس فلم میں ایک آدمی اور اس کے پالتو جانور کے درمیان تعلق کو دکھایا گیا ہے۔


اینڈریا براگا کی ہدایت کاری میں بننے والی سیلف ڈیفنس بہترین ڈیبیو فیچر ایوارڈ کی دوڑ میں ہے۔ یہ فلم ایک پراسیکیوٹر کی کہانی کی پیروی کرتی ہے جو اپنے ماضی سے متعلق متعدد قتل کو حل کرنے کی کوشش کرنے کے لیے اپنے آبائی شہر واپس آتا ہے۔

فیسٹیول میں دکھائی جانے والی دیگر ارجنٹائنی فلموں میں مس وائبورگ (2022)، دی بارڈرز آف ٹائم (2021)، دی سبسٹیٹیوٹ (2022)، روب آف دی جیمز (2022) اور ایمی (2022) شامل ہیں۔


ارجنٹائن اپنی فٹ بال ٹیم کے لیے مشہور ہے، لیکن اس کی ایک طویل اور بھرپور فلمی روایت بھی ہے۔ ارجنٹائن ان اولین ممالک میں سے ایک تھا جس نے 1896 میں لومیئر کا سینماٹوگراف درآمد کیا، پیرس میں سینماٹوگراف کے متعارف ہونے کے صرف ایک سال بعد دنیا کی پہلی اینی میٹڈ فیچر فلم 'ایل اپوسٹول' بھی ارجنٹائن میں بنائی گئی۔گوا انٹرنیشنل فلم فیسٹیول اس بار 20 سے 28 نومبر تک چلے گا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔