جامعہ ملیہ کے طلباء کو راحت، آن لائن امتحانات ملتوی

جامعہ کے طلبا ء مستقل آن لائن امتحانات کے خلاف احتجاج کررہے تھے کیونکہ طلباء کے پاس آن لائن امتحان دینے کی مطلوبہ سہولیات نہیں ہیں اب یونیورسٹی نے فلحال ان امتحانات کوملتوی کر دیا ہے۔

تصویرآئی اے این ایس 
تصویرآئی اے این ایس
user

قومی آوازبیورو

جامعہ ملیہ اسلامیہ کےطلباء کئی روز سے احتجاج کر رہےتھےکہ آن لائن امتحانات کو ملتوی کردیا جائے کیونکہ طلباء کے پاس آن لائن امتحانات دینے کی سہولت نہیں ہے اور اس طرح سےامتحانات کروانا زیادہ تر طلباءکے مستقبل کے ساتھ کھلواڑ کرنے جیسا ہے۔ اب یونیورسٹی انتظامیہ نے ان امتحانات کو فلحال ملتوی کرنے کا فیصلہ لیا ہے ۔

آن لائن امتحانات کے خلاف جو طلباء احتجاج کر رہے تھےان کاکہنا تھا کہ لیپ ٹاپ، اسمارٹ فون، انٹرنیٹ خدمات اور مستقل بجلی ایسےامتحانات کے لئےانتہائی ضروری ہیں اور یہ تمام سہولیات امتحانات کے ضابطوں کے حساب سے کام نہیں کرتیں اس لئے ایسے امتحان کرانے سے طلباء کا نقصان ہو گا کیونکہ طلباء کی اکثریت ان سہولیات سے محروم ہے۔یہی بات طلبا ء نے یونیورسٹی انتظامیہ تک پہنچائی جس کی روشنی میں فلحال امتحانات ملتوی کرنے کا فیصلہ لیا ہے۔

جامعہ ملیہ اسلامیہ کی وائس چانسلر نجمہ اختر نے طلباءکے مطالبہ پرغور کرتے ہوئے آن لائن امتحانات کو اگلےحکم تک ملتوی کرنے کا فیصلہ کیا ۔اس کی اطلاع ایک نوٹس کے ذریعہ دی گئی ہےجس میں کہا گیا ہے کہ حتمی فیصلہ کےلئےیو جی سی کے احکامات کا انتظار ہے۔یوجی سی کا جو بھی فیصلہ آئےگااس سے مطلع کردیا جائے گا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔