JEE Advanced 2021: آئی آئی ٹی میں داخلہ کے لئے امتحان 3 اکتوبر کو ہوگا، وزیر تعلیم کا اعلان

وزیر تعلیم دھرمیندر پردھان نے ٹوئٹر کر کے اطلاع دی ہے کہ آئی آئی ٹی میں داخلہ کے لئے جے ای ای (ایڈوانس) 2021 کا امتحان 3 اکتوبر 2021 کو کورونا اصولوں کی پاسداری کرتے ہوئے کرایا جائے گا

آئی آئی ٹی / علامتی تصویر
آئی آئی ٹی / علامتی تصویر
user

قومی آوازبیورو

نئی دہلی: مرکزی وزیر تعلیم دھرمیندر پردھان نے آئی آئی ٹی میں داخلہ کے لئے جے ای ای (ایڈوانس) 2021 کی تاریخ کا اعلان کر دیا ہے۔ یہ امتحان 3 اکتوبر کو لیا جائے گا۔ اس سے قبل یہ امتحان 3 جولائی کو ہونا تھا لیکن کورونا بحران کے پیش نظر اسے موخر کر دیا گیا تھا۔

وزیر تعلیم دھرمیندر پردھان نے ٹوئٹر کر کے اطلاع دی ہے کہ آئی آئی ٹی میں داخلہ کے لئے جے ای ای (ایڈوانس) 2021 کا امتحان 3 اکتوبر 2021 کو ہوگا اور امتحان کے تمام مراکز پر کورونا کے اصولوں کی پاسداری کی جائے گی۔


خیال رہے کہ اس سال جے ای ای ایڈوانس کا امتحان آئی آئی ٹی کھڑگ پور کے زیر انتظام منعقد کرایا جا رہا ہے۔ یہ امتحان ہندوستان کے مایہ ناز آئی آئی ٹی کے اداروں میں داخلہ کے لئے منعقد کیا جتا ہے۔ جبکہ جے ای ای مینز امتحان ملک بھر کے انجینئرنگ کالجوں میں داخلہ کے لئے منعقد کرایا جاتا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔