دہلی یونیورسٹی: ڈوسو الیکشن کے لئے ووٹنگ 12 ستمبر کو
دلی یونیورسٹی رجسٹرار کی طرف سے جاری نوٹیفکیشن میں بتایا گیا ہے کہ ڈوسو الیکشن کے لئے نامزدگیاں بدھ کے روز 4 ستمبر کو دوپہر تین بجے تک جمع کرائی جاسکتی ہیں۔
نئی دہلی: دلی یونیورسٹی طلبا یونین (ڈی یو ایس یو) کے عہدیداروں اور مرکزی کونسل 20۔2019 کے لئے ووٹنگ 12 دسمبر کو ہوگی۔
دلی یونیورسٹی رجسٹرار کی طرف سے جاری نوٹیفکیشن میں بتایا گیا ہے کہ ڈوسو الیکشن کے لئے نامزدگیاں بدھ کے روز 4 ستمبر کو دوپہر تین بجے تک جمع کرائی جاسکتی ہیں۔ اسی دن کاغذات نامزدگی کی جانچ کے امیدواروں کے ناموں کی فہرست چھ بجے تک جاری کردی جائے گی۔
جمعرات پانچ ستمبر کو 12 بجے تک نامزدگیاں واپس لی جاسکیں گی۔ چناؤ لڑنے والے امیدواروں کے ناموں کی آخری فہرست پانچ ستمبر کو شام پانچ بجے جاری کی جائے گی۔ بارہ ستمبر کو ووٹنگ ہوگی۔ کالجوں میں ووٹنگ کا وقت صبح ساڑھے آٹھ بجے سے دوپہر ایک بجے اور شام کے وقت دوپہر تین بجے سے شام ساڑھے سات بجے تک کی جاسکے گی۔ ووٹوں کی گنتی کی تاریخ اور مقام کا اعلان بعد میں کیا جائے گا۔
ڈوسو کے عہدیداروں کے لئے کاغذات نامزدگی چیف الیکشن افسر کے دلی یونیورسٹی نارتھ کیمپس کے دفتر میں جمع کرائے جاسکیں گے۔ مرکزی کونسل کے عہدے کے لئے انتخاب لڑنے والے امیدوار پرچہ نامزدگی متعلقہ کالجوں اور محکموں میں جمع کرائیں گے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔