سی بی ایس ای دسویں کے امتحانات منسوخ، بارہویں کے ملتوی

مرکزی وزارت تعلیم نے کورونا انفیکشن کے بڑھتے ہوئے معاملوں کے پیش نظر سی بی ایس ای کلاس دسویں کے امتحانات منسوخ کر دیئے اور بارہویں جماعت کے امتحانات ملتوی کر دیئے ہیں

یو این آئی
یو این آئی
user

یو این آئی

نئی دہلی: مرکزی وزارت تعلیم نے کورونا انفیکشن کے بڑھتے ہوئے معاملوں کے پیش نظر سی بی ایس ای (سنٹرل بورڈ آف سیکنڈری ایجوکیشن) کلاس دسویں کے امتحانات منسوخ کردیئے اور بارہویں جماعت کے امتحانات ملتوی کر دیئے ہیں۔

وزیر اعظم نریندر مودی اور مرکزی وزیرتعلیم ڈاکٹر رمیش پوکھریال نشنک نے آج عہدیداروں کے ساتھ ایک اعلی سطحی میٹنگ کے بعد سی بی ایس ای بورڈ امتحانات ملتوی کرنے کا فیصلہ کیا۔ فیصلے کے مطابق دسویں بورڈ کے امتحانات منسوخ کردیئے گئے ہیں اور بارہویں بورڈ کے امتحانات ملتوی کردیئے گئے ہیں۔

وزارت تعلیم کے مطابق ، بارہویں کے امتحانات کا نیا شیڈول یکم جون کو ملک میں کورونا کے حالات کو دیکھ کر تیار کیا جائے گا۔ طلباء کو شیڈول سے 15 دن پہلے امتحان کے بارے میں آگاہ کیا جائے گا۔

یہ بات قابل ذکر ہے کہ 4 مئی سے 14 جون تک ہونے والے 12 ویں کے امتحانات منسوخ کردیئے گئے ہیں جبکہ 4 مئی سے 14 جون تک ہونے والے دسویں کلاس کے امتحانات بھی منسوخ کردیئے گئے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔