سی بی ایس ای 10ویں جماعت کے نتائج کا اعلان، لڑکیاں پھر آگے، رابعہ اسکول کا رِزلٹ صد فیصد

سی بی ایس ای کی جانب سے 10 ویں کلاس کے نتائج کا اعلان بدھ کے روز یعنی آج 15 جولائی کو کر دیا گیا ہے۔ اس مرتبہ بھی لڑکیوں نے اپنی بہترین کارکردگی کا مظاہرہ کر بازی ماری ہے

تصویر قومی آواز گرافکس / یو این آئی
تصویر قومی آواز گرافکس / یو این آئی
user

محمد تسلیم

نئی دہلی: سی بی ایس ای کی جانب سے 10 ویں کلاس کے نتائج کا اعلان بدھ کے روز یعنی آج 15 جولائی کو کر دیا گیا ہے۔ اس مرتبہ بھی لڑکیوں نے اپنی بہترین کارکردگی کا مظاہرہ کر بازی ماری ہے۔ رواں سال 10 ویں کلاس میں 93.31 فیصد لڑکیاں پاس ہوئی ہیں۔جبکہ لڑکے 90.14 فیصد ہی پاس ہو پائے ہے۔دہلی کے اردو میڈیم اسکولوں کے طلباو طالبات نے بھی اس مر تبہ بہترین کار گردگی کا مظاہرہ کیا۔

پرانی دہلی کے مشہور رابعہ گرلز پبلک اسکول کا 12 ویں کلاس کی طرح 10 ویں کلاس کا ریزلٹ اس بار بھی 100 فیصد رہاہے۔ ۔اس مرتبہ رابعہ گرلز پبلک اسکو ل کی 10 ویں کی ٹاپر ”اقراء رحمٰن ہیں جنہوں نے 94.4 فیصد نمبرات کے ساتھ ٹاپ کیاہے۔منظّہ نے 93.4 فیصد نمبرات کے ساتھ دوسرے مقام حاصل کیا اور علماء شمیم 92.8 فیصد نمبر کے ساتھ تیسرے مقام پر رہیں۔

قابل ذکر بات یہ ہے کہ لال کنواں پرانی دہلی کے زینت محل اسکول،کا رزلٹ 100 فیصد رہاہے۔اس کے علاوہ پرانی دہلی کے کلاں محل واقع گورنمنٹ گرلز سینئر سیکنڈری اسکول کلاں محل اسکول بھی صد فیصد رزلٹ کی فہرست میں شامل رہا۔

علاوہ ازیں گورنمنٹ گرلز سینئر سیکنڈری اسکول ایس کے وی بلبل ِ خانہ اردو میڈیم کا رزلٹ 91.13 فیصد رہا اور آر ایس کے وی جامع مسجد کا رزلٹ 85.4 فیصدرہا۔تاہم جی ایس بی وی پٹودی ہاؤس کا رزلٹ 39 فیصد۔جی جی ایس سیکنڈری اسکول چشمہ بلڈنگ کا رزلٹ 92.68فیصد ہے۔

اینگلو عربک سینئر سیکنڈری اسکول اجمیری گیٹ میں``الكاما محمود نے 89.60 نمبر حاصل کرکے ٹاپ کیا ہے۔جبکہ سمیمہ عرفان نے 81.40 فیصد نمبر لا کر دوسرا مقام حاصل کیا۔محمد آرزو 80.20 فیصد نمبر لا کر تیسرے نمبر پر رہے۔ شمال مشرقی دہلی میں واقع ڈاکٹر ذاکر حسین میموریل سینئر سکینڈری اسکول کا ریزلٹ اس مرتبہ 55 فیصد رہا ہے۔ اسکول کے طالب محممد حماد رجب نے 89.2 فیصد نمبر لاکر فرسٹ پوزیشن حاصل کی، محمد رضوان نے 87.2 فیصد نمبرات کے ساتھ دوسرا مقام حاصل کیا۔ جبکہ مبشرہ ناز نے 83.2 فیصد نمبر کے ساتھ تیسرے مقام پر گرفت بنائی۔

سرودھیا بال ودھالیہ جعفرآباد کا ریزلٹ 71.3 فیصد رہا ہے۔اسکول کے طالب علم فخرِ عالم نے86.2 فیصد نمبر لا کر فرسٹ پوزیشن حاصل کی ہے۔جبکہ محمد اسماعیل نے 82.8فیصد نمبر لا کر دوسرا مقام حاصل کیا۔محمد عظیم 81 فیصد نمبر لا کر تیسرا مقام پر رہے۔میئر انٹر نیشنل اسکول نوئیڈا کی طالبہ`السا پرویز نے 96.7 فیصد نمبر حاصل کرکے پہلا مقام حاصل کیا۔

واضح رہے کہ سی بی ایس ای نے اپنے آفیشیل ویب سائٹ cbseresults.nic.in پر آج ریزلٹ جاری کیا ہے۔۔

Published: 15 Jul 2020, 8:40 PM
پسندیدہ ترین
next