وسڈن کی ’ٹی-20 ٹیم آف ڈکیڈ‘ میں ہندوستانی کرکٹر وراٹ کوہلی اور جسپریت بمراہ شامل

ہندوستانی کپتان وراٹ کوہلی کو ٹی -20 کے علاوہ وسڈن کی ٹسٹ اور ون ڈے ٹیم آف ڈکیڈ میں بھی جگہ ملی ہے۔ اس کے ساتھ ہی وسڈن کی عشرے کے پانچ بہترین كركٹرز کی فہرست میں بھی انھیں شامل کیا گیا ہے۔

تصویر سوشل میڈیا
تصویر سوشل میڈیا
user

یو این آئی

نئی دہلی: ہندوستانی کرکٹ ٹیم کے کپتان اور تجربہ کار کرکٹر وراٹ کوہلی اور فاسٹ بولر جسپريت بمراه کو کرکٹ کی بائبل کہی جانے والی وسڈن کی عشرے کی بہترین ٹوئنٹی -20 بین الاقوامی ٹیم میں شامل کیا گیا ہے۔وسڈن ٹی -20 ٹیم آف ڈکیڈ کی قیادت آسٹریلیا کے آرون فنچ کو تفویض کی گئی ہے۔ دلچسپ ہے کہ اس ٹیم میں ہندستان کے سب سے زیادہ کامیاب کپتان اور تجربہ کار وکٹ کیپر بلے باز مہندر سنگھ دھونی اور محدود فارمیٹ کے ماہر مانے جانے والے روہت شرما کو جگہ نہیں ملی ہے۔

وسڈن نے وراٹ کے بارے میں کہاکہ وراٹ کا ٹوئنٹی 20 گھریلو کرکٹ میں ریکارڈ بہت اچھا نہیں ہے، لیکن ان کے بین الاقوامی ٹی -20 ریکارڈ کے بارے میں ایسا نہیں کہا جا سکتا ہے۔ وراٹ کے 53 کی اوسط ایک دہائی میں سب سے بہتر ہے، ان کا اسٹرائیک ریٹ کچھ کم رہا ہے لیکن اس کے باوجود ان کا ریٹ اگرچہ غیر معمولی نہ ہو لیکن متاثر کن ہے۔ انہوں نے کہاکہ اسپن اور فاسٹ بولنگ کے خلاف مضبوط اور وکٹ کے درمیان برق رفتاری سے دوڑ لگانے والے وراٹ نمبر -3 پر ایک مثالی کھلاڑی ہیں۔ وہ وکٹ گرنے کے باوجود اننگز کو سنبھالتے ہیں اور ٹکنے کے بعد اپنی رنز رفتار کو تیز کر لیتے ہیں۔ پہلے وکٹ کے لئے بڑی شراکت داری کے بعد وراٹ آخری الیون میں باقی پوزیشن کو سنبھال سکتے ہیں۔


ہندوستانی کپتان وراٹ کو ٹی -20 فارمیٹ کے علاوہ وسڈن کی ٹیسٹ اور ون ڈے ٹیم آف ڈکیڈ میں بھی جگہ ملی ہے۔ وراٹ کو اس کے ساتھ وسڈن کی عشرے کے پانچ بہترین كركٹرز کی فہرست میں بھی شامل کیا گیا ہے جس میں اسٹیون اسمتھ، ڈیل اسٹین، اے بی ڈیولیرس اور خاتون کرکٹر ایلس پیری شامل ہیں ۔باوقار وسڈن میں ہندستانی فاسٹ بولر بمراه بھی جگہ بنانے میں کامیاب رہے ہیں۔ وسڈن نے جاری بیان میں بمراه کی تعریف کرتے ہوئے کہاکہ صرف 2016 میں ہی ڈیبو کرنے کے باوجود بمراه نے اپنے بہترین دفاعی کھیل کی بدولت ہندستانی ٹیم میں جگہ بنا لی۔

انہوں نے کہاکہ بمراه کا اوورآل اكونومي ریٹ 6.71 ہے جو دنیا کے تیز گیند بازوں میں دوسرا بہترین ہے، ان سے اس معاملے میں صرف ڈیل اسٹین آگے ہیں۔ یہ اور بھی خاص تب لگتا ہے جب انہوں نے اپنی گیند بازی بنیادی طور پر ڈیتھ اووروں میں کی ہو، جہاں ان کا اكونومي ریٹ 7.27 ہے جو دنیا کے تیز گیند بازوں میں ساتواں سب سے بہتر ہے۔


وسڈن کی دہائی کی ٹوئنٹی 20 ٹیم:

آرون فنچ (کپتان)، کولن منرو، وراٹ کوہلی، شین واٹسن، گلین میکسویل، جو بٹلر، محمد نبی، ڈیوڈ ولی، راشد خان، جسپريت بمراه، لست ملنگا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔