ون ڈے رینکنگ میں وراٹ چوٹی پر برقرار

بین الاقوامی کرکٹ کونسل (آئی سی سی) کی بدھ کے روز جاری ون ڈے رینکنگ میں ہندوستانی کپتان وراٹ کوہلی کا سرفہرست مقام اور نائب کپتان روہت شرما کا تیسرا مقام برقرار ہے

وراٹ کوہلی، تصویر یو این آئی
وراٹ کوہلی، تصویر یو این آئی
user

یو این آئی

نئی دہلی: بین الاقوامی کرکٹ کونسل (آئی سی سی) کی بدھ کے روز جاری ون ڈے رینکنگ میں ہندوستانی کپتان وراٹ کوہلی کا سرفہرست مقام اور نائب کپتان روہت شرما کا تیسرا مقام برقرار ہے۔ جبکہ گیندبازی کی رینکنگ میں ہندوستان کے تجربہ کا ر تیز گیندباز جسپریت بمراہ پھسل کر چوتھی پوزیشن پر پہنچ گئے ہیں۔ ہندوستان نے حال ہی میں انگلینڈ کو تین ایک روزہ میچوں کی سیریز میں 2۔1 سے شکست دی تھی۔

رینکنگ میں ہندوستان کے تیز گیندباز بھوونیشور کمار کو کافی فائدہ ہوا اور وہ ستمبر 2017 کے بعد سے اپنے کیریئر کی بہترین 11 ویں پوزیشن پر آ گئے ہیں۔ بھونیشور نے انگلینڈ کے خلاف ون ڈے سیریز میں شاندار گیندبازی کی اور چھ وکٹیں حاصل کی تھیں۔

انگلینڈ کے اسٹار سلامی بلے باز جانی بیرسٹو شاندار بلے بازی کے باوجود رینکنگ میں پھسل کر ساتویں نمبر پر پہنچ گئے ہیں۔ ون ڈے آل راونڈر رینکنگ کی فہرست میں تجربہ کار ہندوستان کے اسپنر رویندر جڈیجہ نویں پوزیشن پر موجود ہیں۔ جڈیجہ انجری کے سبب سیریز سے باہر ہوگئے تھے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔