ویسٹ انڈیز کے خلاف دوسرا میچ برابری پر ختم، ٹیسٹ سیریز پر ہندوستان کا 1-0 سے قبضہ

ٹرینیڈاڈ: ہندوستان اور ویسٹ انڈیز کے درمیان دو ٹیسٹ میچوں کی سیریز کا دوسرا میچ ڈرا پرختم ہونے سے سیريز پر ہندوستان کا 1-0 سے قبضہ ہوگیا۔ یہاں پورٹ آف اسپین میں مسلسل بارش ہو رہی تھی اور آخری دن کا کھیل پورا نہیں ہو سکا۔

ہندوستان اس سیریز کے دوسرے ٹیسٹ میں بھی آکے تھا اور اسے وائٹ واش کرنے کے لیے آٹھ وکٹیں لینے کی ضرورت تھی اور ویسٹ انڈیز کو مزید 289 رنز درکار تھے، لیکن بارش کی وجہ سے کھیل خراب ہوگیا۔

ایک بہتر تبدیلی کے تحت ویسٹ انڈیز نے ڈومینیکا میں کھیلے گئے پہلے ٹیسٹ سے بہتر مظاہرہ کیا۔ ہندوستان نے میزبان ٹیم کو پہلے ٹیسٹ میں اننگز اور 141 رنز سے شکست دی تھی۔

دونوں ٹیموں کو اس ٹیسٹ کے لیے 4 ڈبلیو ٹی سی پوائنٹس حاصل ہوئیں۔ توجہ اب 3 میچوں کی ون ڈے سیریز پر مرکوز ہے اور پہلے دو میچ بارباڈوس میں کھیلے جائیں گے۔ ہندوستان ان میچوں کو ہندوستان اور سری لنکا میں ہونے والے 2023 ورلڈ کپ کی تیاری کے طور پر استعمال کرے گا۔

اس دوران ونڈیز ورلڈ کپ کے لیے کوالیفائی کرنے میں ناکام رہنے کے بعد اس سیریز کو اپنی کارکردگی بہتر بنانے کے لیے استعمال کرے گی۔ پہلا ون ڈے 27 جولائی کو کھیلا جائے گا۔