ٹی-20 ورلڈ کپ 2022: نیدر لینڈ نے زمبابوے کو شکست دے کر سپر 12 میں اپنا کھاتہ کھولا
نیدرلینڈز نے اگلے چار وکٹ 26 رن کے وقفے سے گنوا دیئے، لیکن چھوٹے ہدف کی وجہ سے اسے جیت حاصل کرنے میں زیادہ پریشانی نہیں ہوئی۔
ایڈیلیڈ: پال وین میکرن (29/3) کی شاندار گیند بازی اور میکس او ڈاؤڈ (52) کی نصف سنچری کی بدولت نیدرلینڈ نے بدھ کو سپر-12 ٹی-20 ورلڈ کپ 2022 کے میچ میں زمبابوے کو پانچ وکٹوں سے شکست دے دی۔ زمبابوے نے نیدرلینڈ کو 118 رن کا ہدف دیا جسے نیدر لینڈ نے 12 گیندیں باقی رہتے حاصل کر لیا۔
زمبابوے کی جانب سے سکندر رضا نے 24 گیندوں پر تین چوکوں اور تین چھکوں کی مدد سے 40 رن بنائے جبکہ شان ولیمز نے 23 گیندوں میں تین چوکوں کی مدد سے 28 رن بنائے۔ زمبابوے کا کوئی اور بلے باز ڈبل فیگر کو بھی نہ چھو سکا, جس کی وجہ سے پوری ٹیم 19.3 اوور میں 117 رن پر ڈھیر ہو گئی۔
ہدف کا تعاقب کرتے ہوئے نیدر لینڈ کا پہلا وکٹ جلد ہی گرنے کے بعد، اوڈوڈ نے ٹام کوپر کے ساتھ دوسرے وکٹ کے لیے 73 رن کی شراکت داری کے ساتھ ٹیم کو مضبوط پوزیشن میں پہنچا دیا۔ نیدرلینڈز نے اگلے چار وکٹ 26 رن کے وقفے سے گنوا دیئے، لیکن چھوٹے ہدف کی وجہ سے اسے جیت حاصل کرنے میں زیادہ پریشانی نہیں ہوئی۔
یہ بھی پڑھیں : پوجا بھٹ، راہل گاندھی کی بھارت جوڑو یاترا میں ہوئیں شامل
ٹورنامنٹ کے سپر 12 مرحلے میں چار میچوں میں نیدرلینڈز کی یہ پہلی جیت ہے۔ دوسری جانب زمبابوے کی ٹیم چار میچوں میں دوسری شکست کے ساتھ سیمی فائنل کی دوڑ سے باہر ہوگئی ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔