ٹی-20 ورلڈ کپ: سپر-8 کا پہلا مقابلہ جنوبی افریقہ کے نام، شاندار کارکردگی کے باوجود امریکہ کو شکست

ٹی-20 ورلڈ کپ کے پہلے میچ میں جنوبی افریقہ نے امریکہ کو 18 رنز سے شکست دے دی۔ اپنا پہلا ٹی-20 عالمی کپ کھیل رہی امریکہ کو شکست ضرورت ہوئی لیکن اس نے آخر تک مقابلہ کیا اور ناظرین کے دل جیت لئے

<div class="paragraphs"><p>جنوبی افریقہ / تصویر بشکریہ ایکس</p></div>

جنوبی افریقہ / تصویر بشکریہ ایکس

user

قومی آوازبیورو

ٹی-20 ورلڈ کپ کے پہلے میچ میں جنوبی افریقہ نے امریکہ کو 18 رنز سے شکست دے دی۔ اپنا پہلا ٹی-20 عالمی کپ کھیل رہی امریکہ کو شکست ضرورت ہوئی لیکن اس نے آخر تک مقابلہ کیا اور ناظرین کے دل جیت لئے۔

امریکی کپتان نے ٹاس جیت کر پہلے باؤلنگ کرنے کا فیصلہ کیا اور جنوبی افریقی بیٹنگ لائن کو چھوٹے اسکور تک روکنے میں ناکام رہے۔ جنوبی افریقپ نے مقررہ 20 اوورز میں 4 وکٹوں کے نقصان پر 194 رنز اسکور کیے۔ پروٹیز کی جانب سے اوپنر کوئنٹن ڈی کوک نے 74 اور ایڈن مارکرم نے 46 رنز کی اننگز کھیلی۔ امریکہ کی جانب سے ہرمیت سنگھ اور سورابھ نیترا والکر نے 2،2 وکٹیں حاصل کیں۔


یو ایس اے ہدف کا تعاقب کرنے آیا تو ٹیم کا آغاز بہت اچھا رہا۔ ٹیلر اور گاس نے طوفانی انداز میں رنز بنائے۔ گاس اور ہرمیت سنگھ نے 81 رنز کی پارٹنرشپ بنائی، لیکن امریکہ کی پوری ٹیم مقررہ اوورز میں 6 وکٹوں کے نقصان پر 176 رنز بنا سکی اور یوں اسے 18 رنز کی شکست کا سامنا کرنا پڑا۔

امریکہ کی جانب سے آندریز گاؤس 80 رنز بنا کر ناٹ آؤٹ رہے جب کہ ہرمیت سنگھ 22 گیندوں پر 38 رنز بنا کر نمایاں رہے۔جنوبی افریقہ کی جانب سے کگیسو ربادا نے 4 اووز میں 18 رنز دے کر 3 وکٹیں حاصل کیں، نورکیا، کشیو مہاراج اور تبریز شمسی نے ایک، ایک وکٹ حاصل کی جبکہ 74 رنز کی شاندار اننگز کھیلنے پر کوئنٹن ڈی کوک کو میچ کا بہترین کھلاڑی قرار دیا گیا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔