سری لنکا کی شاندار جیت کی بدولت بنگلہ دیش سپر 4 میں داخل، افغانستان کا خواب ہوا چکنا چور

سپر 4 کوالیفائنگ میچ میں سری لنکا نے افغانستان کو چھہ وکٹوں سے شکست دے دی۔ اس کے ساتھ ہی راشد خان کی قیادت میں افغانستان سپر 4 کی دوڑ سے باہر ہو گیا۔ سری لنکا کی جیت نے بنگلہ دیش کو بھی سپر 4 کے لیے کوالیفائی کرا دیا ۔سری لنکا کے اوپننگ بلے باز کوسل مینڈس میچ کے ہیرو رہے۔ اس شاندار بلے باز نے افغانستان کی طوفانی اننگز کو زیر کیا۔

سری لنکا ایشیا کپ میں لیگ مرحلے کے تینوں میچز جیت کر 6 پوائنٹس کے ساتھ گروپ بی میں سب سے زیادہ اسکور کرنے والی ٹیم بن گئی۔ جہاں افغانستان کی جیت بنگلہ دیش کو سپر 4 سے باہر کر دیتی، سری لنکا کی جیت نے افغانستان کو ختم کر کے بنگلہ دیش کو سپر 4 میں داخلہ دلا  دیا۔

ہندوستان اور پاکستان گروپ اے سے پہلے ہی سپر 4 کے لیے کوالیفائی کر چکے ہیں۔ سری لنکا اور بنگلہ دیش اب گروپ بی سے فائنل  کے لئے کوالیفائی  ہوگئے ہیں ۔ سپر 4 کا پہلا میچ ہفتہ 20 ستمبر کو سری لنکا اور بنگلہ دیش کے درمیان کھیلا جائے گا۔ ہندوستان اور پاکستان کے درمیان اگلا میچ اتوار یعنی 21 ستمبر کو کھیلا جائے گا۔

واضح رہے کل کے میچ میں افغانستان نے ٹاس جیت کر پہلے بیٹنگ کا فیصلہ کیا۔ افغانستان نے ابتدائی طور پر کئی وکٹیں گنوائیں۔ سری لنکا نے 79 کے اسکور پر چھ افغان کھلاڑیوں کو آؤٹ کیا تاہم محمد نبی کے 22 گیندوں پر 60 رنز نے افغانستان کی امیدوں کو زندہ رکھا، سری لنکا کو 170 رنز کا ہدف دیا۔

سری لنکا کی جانب سے کوسل مینڈس نے شاندار اننگز کھیلی۔ انہوں نے اس اننگز میں 10 چوکے لگا کر 52 گیندوں پر 74 رنز بنائے۔ مینڈس کی اننگز کی بدولت سری لنکا نے یہ میچ آٹھ گیندیں باقی رہ کر چھ وکٹوں سے جیت لیا۔