ہندستانی کرکٹ کی ضرورتیں جانتے ہیں گانگولی: وراٹ کوہلی

ممبئی، 24 اکتوبر (یو این آئی ) ہندوستانی کرکٹ ٹیم کے کپتان وراٹ کوہلی نے جمعرات کو ہندوستانی کرکٹ کنٹرول بورڈ کے نئے چیئرمین سورو گانگولی سے ملاقات کی اور کہا کہ سابق کرکٹر موجودہ کھلاڑیوں کی ضروریات کو سمجھتے ہیں۔ وراٹ نے جمعرات کو یہاں صحافیوں سے کہاکہ سورو گانگولی نے ملک کے لیے بہت کرکٹ کھیلا ہے اور وہ یہ جانتے ہیں کہ ہم کس حالت میں ہیں، ٹیم کی کیا ضرورتیں ہیں اور ہندستانی کرکٹ کو کن چیزوں کی ضرورت ہے۔

کپتان نے گانگولی سے ملاقات سے پہلے کہاکہ میں امید کرتا ہوں کہ گانگولی کے ساتھ میری بات چیت اچھی ہوگی۔ میں ان سے ملنے کو لے کر بہت پرجوش ہوں۔ میں ایک پیشہ ور اور اعلی سطحی بات چیت کی امید کر رہا ہوں۔ میں فی الحال کرکٹ کھیل رہا ہوں اور وہ کھیل چکے ہیں، اس لئے ہمارے درمیان اچھی سمجھ ہوگی۔ پہلے بھی میں ان سے کافی بحث کر چکا ہوں اور اس بار بھی میں اسی طرح کی بات چیت کی توقع کر رہا ہوں۔

انہوں نے کہا کہ ہندستان کے سب سے زیادہ کامیاب کپتانوں میں سے ایک گانگولی نے جمعرات کو بی سی سی آئی چیف کا عہدہ سنبھالا تھا۔ اس عہدے پر بلامقابلہ منتخب کئے گئے گانگولی نے کہا تھا کہ وہ ہندستانی کرکٹ کے سب سے اہم شخص وراٹ کو اپنا مکمل حمایت دیں گے۔

سابق کرکٹر بی سی سی آئی میں 65 سال کی تاریخ میں صدر کا عہدہ سنبھالنے والے پہلے کھلاڑی ہیں۔ ان سے پہلے وجيانگرم کے مہاراجہ پہلے کرکٹر تھے جنہوں نے بی سی سی آئی صدر کے عہدے سنبھالا تھا۔