ٹیم انڈیا کو دھچکا! روہت مشق کے دوران زخمی

ہندوستان کے لئے بنگلہ دیش کے خلاف اتوار کو یہاں ہونے والے پہلے ٹی -20 میچ سے پہلے دھچکا دینے والی خبر ہے کہ کپتان روہت شرما جمعہ کو مشق کے دوران زخمی ہو گئے

تصویر سوشل میڈیا
تصویر سوشل میڈیا

یو این آئی

نئی دہلی: ہندوستان کے لئے بنگلہ دیش کے خلاف اتوار کو یہاں ہونے والے پہلے ٹی -20 میچ سے پہلے دھچکا دینے والی خبر ہے کہ کپتان روہت شرما جمعہ کو مشق کے دوران زخمی ہو گئے۔

اس سیریز میں وراٹ کوہلی کو آرام دیے جانے کے بعد کپتانی سنبھال رہے اوپنر روہت کو ارون جیٹلی اسٹیڈیم میں پریکٹس کے دوران بائیں ران پر گیند لگی، جس کی وجہ سے انہیں میدان سے باہر جانا پڑا۔

روہت نیٹ پریکٹس کر رہے تھے کہ اس دوران تھرو ڈاؤن ایکسپرٹ نوان سیناورتنے کی پھینکی گئی گیند کو وہ چوک گئے اور گیند ان کی بائیں ران پر لگی۔روہت نے فوری طور پر دستانے نکالے اور درد سے کراہتے ہوئے میدان سے باہر نکل گئے۔ٹیم کے بیٹنگ کوچ وکرم راٹھور اور نوان نے انہیں سنبھالا۔

روہت میدان سے باہر جانے کے فورا بعد اپنی چوٹ کی برف سے سکائی کرتے ہوئے دکھائی دیے۔
ٹیم مینجمنٹ کی جانب سے روہت کی چوٹ کی سنگینی کے بارے میں کوئی جانکاری نہیں دی گئی ہے۔