روہت شرما کی ٹورنامنٹ میں پانچویں سنچری، نیا ریکارڈ قائم

لیڈز: ہٹ مین کے نام سے مشہور روہت شرما نے ایک ورلڈ کپ میں پانچ سنچریاں بنانے کا نیا عالمی ریکارڈ بنا دیا ہے۔ روہت نے سری لنکا کے کمار سنگاکارا کے ایک ورلڈ کپ میں چار سنچریاں بنانے کے عالمی ریکارڈ کو توڑ کر نیا ریکارڈ قائم کیا۔

روہت نے ہفتہ کو سری لنکا کے خلاف ورلڈ کپ میچ میں 103 رنوں کی شاندار اننگز کھیلی جو اس ورلڈ کپ میں ان کی پانچویں سنچری تھی۔ روهت نے بنگلہ دیش کے خلاف گزشتہ میچ میں 104 رن بنائے تھے۔ روہت نے اپنی پانچویں سنچری کے ساتھ ہی سنگاکارا کے عالمی ریکارڈ توڑ دیا۔ سنگاکارا نے 2015 کے ورلڈ کپ میں چار سنچریاں بنائی تھیں۔

روہت نے اس ورلڈ کپ میں جنوبی افریقہ کے خلاف ناقابل شکست 122، پاکستان کے خلاف 140، انگلینڈ کے خلاف 102، بنگلہ دیش کے خلاف 104 اور سری لنکا کے خلاف 103 رن بنائے ہیں۔ روہت کے ورلڈ کپ میں اوورال چھ سنچری ہو گئی ہیں اور اس کے ساتھ ہی وہ عالمی کپ تاریخ میں سب سے زیادہ سنچری بنانے کے معاملے میں ماسٹر بلاسٹر سچن تندولکر کی برابری پر پہنچ گئے ہیں۔
ہندوستان کے سچن تندولکر نے عالمی کپ میں 44 اننگز میں چھ سنچریاں بنائی تھیں جبکہ روہت نے محض 16 اننگز میں پانچ سنچریاں بنا ڈالی ہیں.۔

روہت کے کیریئر کی یہ 27 ویں سنچری ہے اور اب وہ ون ڈے میں سب سے زیادہ سنچری بنانے کے معاملے میں اب جنوبی افریقہ کے ہاشم آملہ (27) کی برابری پر پہنچ گئے ہیں. ان سے آگے اب سری لنکا کے سنت جے سوریہ (28)، آسٹریلیا کے رکی پونٹنگ (30)، ہندوستان کے ویراٹ کوہلی (41) اور سچن (49) ہیں۔