روہت کی دوسری اننگز میں بھی سنچری، نیا عالمی ریکارڈ قائم

ہٹ مین کے نام سے مشہور روہت شرما نے ٹیسٹ اوپننگ میں اترنے کے ساتھ ہی اپنی شاندار کارکردگی جاری رکھتے ہوئے دوسری اننگز میں 127 رن بناکر نیا عالمی ریکارڈ بنا ڈالا

تصویر سوشل میڈیا
تصویر سوشل میڈیا

یو این آئی

وشاکھاپٹنم: ہٹ مین کے نام سے مشہور روہت شرما نے ٹیسٹ اوپننگ میں اترنے کے ساتھ ہی اپنی شاندار کارکردگی جاری رکھتے ہوئے دوسری اننگز میں 127 رن بناکر نیا عالمی ریکارڈ بنا ڈالا۔ اس سے پہلے روہت نے پہلی اننگز میں 176 رن بنائے تھے۔ روہت کی اس حیرت انگیزاننگز نے جنوبی افریقہ کے خلاف ہندستان نے پہلے ٹیسٹ کے چوتھے دن ہفتہ کو اپنی دوسری اننگز چار وکٹ پر 323 رن پر ڈکلیئر کرنے کے ساتھ ہی مہمان ٹیم کے سامنے 395 رنوں کا انتہائی مشکل ہدف رکھ دیا۔

روہت نے 149 گیندوں پر 127 رنوں کی اننگز میں 10 چوکے اور سات چھکے لگائے. روہت کی یہ پانچویں سنچری ہے۔ انہوں نے چتیشور پجارا (81) کے ساتھ دوسرے وکٹ کے لئے 169 رن کی زبردست شراکت کی. پجارا نے 148 گیندوں کی اپنی اننگز میں 13 چوکے اور دو چھکے لگائے. پہلی اننگز میں ڈبل سنچری بنانے والے مینک اگروال دوسری اننگز میں سات رن بنا کر آؤٹ ہوئے. رویندر جڈیجہ نے تیزی سے 40 رن بنائے جبکہ کپتان وراٹ کوہلی نے ناٹ آؤٹ 31 اور اجنکیا رہانے نے ناٹ آؤٹ 27 رن بنائے۔

مشکل ہدف کا تعاقب کرتے ہوئے جنوبی افریقہ نے کھیل ختم ہونے تک ایک وکٹ کے نقصان پر 11 رنز بنا لئے ہیں اور اسے ابھی جیت کے لئے 384 رنوں کی ضرورت ہے۔ ایڈن ماركرم تین اور تھيونس دی برون 5رنز بنا کر کریز پر ہیں. پہلی اننگز میں 160 رنز بنانے والے ڈین ایلگر کی دوسری اننگز میں دو رن بنا کر لیفٹ آرم اسپنر رویندر جڈیجہ کی گیند پر ایل بی ڈبلیو ہو گئے۔

میچ کا چوتھا دن مکمل طور روہت کے نام رہا. روہت نے پہلی بار ٹیسٹ اوپننگ کرتے ہوئے نیا عالمی ریکارڈ بنا دیا. روہت ٹیسٹ کرکٹ میں اوپنر کے طور پر اپنے پہلے ٹیسٹ میں دونوں اننگز میں سنچری بنانے والے پہلے بلے باز بن گئے ہیں. ٹیسٹ کرکٹ کی 142 سالہ تاریخ میں روہت، یہ کارنامہ کرنے والے اکلوتے بلے باز ہیں۔

روہت اس طرح مسلسل سات اننگز میں 50 سے زیادہ رن بنانے والے ہندستان کے پہلے بلے باز بن گئے ہیں. روہت بطور اوپنر پہلے ٹیسٹ میچ میں سب سے زیادہ رن بنانے والے کھلاڑی بن گئے ہیں. روہت نے اس معاملے میں جنوبی افریقہ کے کپلر ویلسز کو پیچھے چھوڑ دیا ہے. کپلر نے پہلے ٹیسٹ میچ میں بطور اوپنر 208 رنز بنائے تھے جبکہ روہت نے 303 رنز بنا ئے ہیں۔

روہت ایک ٹیسٹ کی دونوں اننگز میں سنچری بنانے والے چھٹے ہندوستانی بلے باز بن گئے ہیں. 41 سال بعد کسی ہندستانی سلامی بلےباز نے ٹیسٹ میں دونوں اننگز میں سنچری لگائی ہے۔ روہت سے پہلے سنیل گواسکر نے 1978 میں پاکستان کے لئے خلاف ٹیسٹ میچ میں دونوں اننگز میں سنچریاں بنائی تھیں۔ روہت اس میچ میں 13 چھکے لگاکر کر ایک ٹیسٹ میں سب سے زیادہ چھکے لگانے والے ہندوستانی بلے باز بن چکے ہیں. انہوں نے نوجوت سنگھ سدھو کے ریکارڈ کو توڑا ہے۔

روہت کو لیفٹ آرم اسپنر کیشو مہاراج نے پہلی اننگز کی طرح وکٹ کیپر كوٹن ڈی کوک کے ہاتھوں اسٹمپ کرایا. دلچسپ بات یہ ہے کہ اس ٹیسٹ سے پہلے روہت کبھی اسٹمپ نہیں ہوئے تھے اور اب دونوں اننگز میں اسی طرح سے پویلین لوٹے۔

Published: 5 Oct 2019, 6:51 PM