فائنل کے دوران فلسطینی حامی نوجوان نے میدان میں گھس کر وراٹ کوہلی کو گلے لگایا

نریندر مودی اسٹیڈیم میں کھیلے جارہے فائنل میچ کے دوران فلسطین کا ایک حامی اچانک اسٹیڈیم میں بیچ میدان میں گھس گیا اور وراٹ کوہلی کے پاس جاپہنچا۔ اس کے بعد پولیس نے میدان میں ہی  فلسطینی حامی شخص کو گرفتار کرلیا گیا اور اس کو پولیس اسٹیشن لے جایا گیا۔

فلسطینی حامی نوجوان سیکیورٹی بندوبست کو توڑ تے ہوئے میدان میں داخل ہوا۔ جس کے بعد وہ دوڑتے ہوئے اسٹار بلے باز وراٹ کوہلی کے پاس پہنچا اور ان کے کندھے پر ہاتھ رکھا۔ نوجوان نے وراٹ کوہلی کو گلے لگایا ۔ اس نے چہرے پر فلسطین کا جھنڈے کا ماسک پہنا ہوا تھا۔ گراؤنڈ کے عملہ نے فوری طور پر نوجوان کو پکڑ ا اورمیدان سے باہر لے گئے جب کہ اس دوران مختصر وقت کے لیے میچ بھی روکنا پڑا۔

کوہلی کو گلے لگانے کی فوٹیج سوشل میڈیا پر تیزی سے وائرل ہورہی ہے جس میں نوجوان کو فلسطینی پرچم والا ماسک پہننا ہوئے دیکھا جا سکتا ہے جب کہ اس کی ٹی شرٹ پر انگریزی میں ’فلسطینیوں پر بمباری بند کرو‘ کا مطالبہ درج ہے۔

فلسطینی حامی شخص نے چہرے ماسک لگایا ہوا تھا۔ اس واقعے کو دیکھنے کے بعد سوشل میڈیا پر بہت سے لوگ سیکیورٹی کے حوالے سے اپنی ناراضگی کا اظہار کر رہے ہیں۔ تاہم اسےسکیورٹی عملے نے پکڑ لیا اور پولیس نے گرفتار کرلیا ہے۔ اس شخص کو آسٹریلا کا شہری بتایا جا رہا ہے۔