عمران خان نے اظہر علی کوکپتانی سے برطرف کرنے کی ہدایت دی

اس میچ کی شکست سیریز کیلئے فیصلہ کن ثابت ہوئی اور پھر پاکستان 10 سال بعد انگلینڈ کے ہاتھوں ٹیسٹ سیریز میں شکست سے دوچار ہوا ۔

تصویر سوشل میڈیا بشکریہ ڈان 
تصویر سوشل میڈیا بشکریہ ڈان
user

یو این آئی

پاکستان کے وزیراعظم اور سابق کپتان عمران خان نے دورہ انگلینڈ کے دوران مانچسٹر ٹیسٹ میں پاکستان کی شکست پر ناراضگی کا اظہار کرتے ہوئے ٹیسٹ ٹیم کے کپتان اظہر علی کو برطرف کرنے کی ہدایت کر دی ہے ،جہاں پاکستان مضبوط پوزیشن میں ہونے کے باوجود میچ ہار گیا تھا۔

تفصیلات کے مطابق پاکستانی وزیراعظم عمران خان نے کہا کہ اظہر علی کی کپتانی ناقص رہی، انہیں تبدیل کرنے کی ضرورت ہے۔ ذرائع کا کہنا ہے کہ وزیراعظم عمران خان کی ہدایت کے بعد ٹیسٹ ٹیم کے نئے کپتان کیلئے دیگر نام زیر غور لائے جائیں گے۔


اس حوالے سے پی سی بی کی جانب سے جلد اعلان کیے جانے کا امکان ہے۔ واضح رہے کہ دورہ انگلینڈ کے دوران 3 ٹیسٹ میچوں میں سے صرف ایک میچ نتیجہ خیز ثابت ہوا تھا۔ مانچسٹر ٹیسٹ میں پاکستان فتح کی پوزیشن میں تھا، تاہم ناقص کپتانی اور گیند بازی کی وجہ سے انگلینڈ کے نچلے نمبرز کے بلے باز مشکل ہدف حاصل کر کے پاکستان کو شکست دینے میں کامیاب ہوگئے تھے۔ اس میچ کی شکست سیریز کیلئے فیصلہ کن ثابت ہوئی اور پھر پاکستان 10 سال بعد انگلینڈ کے ہاتھوں ٹیسٹ سیریز میں شکست سے دوچار ہوا ۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔