ہندوستان کے خلاف ونڈے سیریز کے لیے نیوزی لینڈ کی ٹیم کا اعلان، 3 سال بعد تیز گیند باز فرگیوسن کی ہوئی واپسی

نیوزی لینڈ نے ہندوستان کے خلاف ونڈے سیریز کے لیے ٹیم کا اعلان کر دیا ہے۔ نیوزی لینڈ نے آخری 2 ون ڈے میچوں کے لیے کچھ دیگر کھلاڑیوں کا انتخاب کیا ہے، جب کہ ڈیون کانوے اور جیکب ڈفی جیسے معروف کھلاڑی آخری 2 مقابلوں میں نہیں کھیلیں گے۔ ہندوستان اور نیوزی لینڈ کے درمیان 5 میچوں کی ون ڈے سیریز 4 نومبر سے 15 نومبر تک کھیلی جائے گی۔ تجربہ کار تیز گیند باز لوکی فرگیوسن 3 سال بعد ونڈے ٹیم میں واپس آئے ہیں۔ مچل سینٹنر ٹیم کی کپتانی کریں گے۔

واضح رہے کہ فن ایلن اور لوکی فرگیوسن طویل عرصے بعد ونڈے ٹیم میں واپس آئے ہیں۔ انہوں نے نیوزی لینڈ کی ٹیم کے لیے آخری ون ڈے میچ 2023 میں کھیلا تھا۔ ان کے علاوہ ٹیم سیفرٹ نے بھی گزشتہ 18 ماہ میں کوئی 50 اوور کا میچ نہیں کھیلا ہے۔ انہیں آخری بار اپریل 2025 میں پاکستان کے خلاف کھیلتے ہوئے دیکھا گیا تھا۔ سیفرٹ کو چوتھے اور پانچویں ونڈے میچ کے لیے نیوزی لینڈ کی ٹیم میں منتخب کیا گیا ہے۔

راچن رویندرا چوٹ کے باعث ٹی-20 سیریز میں شامل نہیں ہیں۔ انہیں ونڈے سیریز کے پہلے 3 میچوں کے لیے ٹیم میں جگہ ملی ہے۔ جیک فاؤلکس، ولیم او رورکے اور بین سیرز چوٹ سے ریکور ہو رہے ہیں، اس لیے انہیں اسکواڈ میں شامل نہیں کیا گیا ہے۔ ہندوستانی ٹیم کا نیوزی لینڈ دورہ 22 اکتوبر سے شروع ہوگا، لیکن پہلے دونوں ٹیموں کے درمیان 5 میچوں کی ٹی-20 سیریز کھیلی جائے گی۔ ٹی-20 سیریز یکم نومبر کو ختم ہوگی۔ اس کے 3 دن بعد، 4 نومبر سے ونڈے سیریز شروع ہوگی۔

1. 4 نومبر: پہلا ونڈے

2. 7 نومبر: دوسرا ونڈے

3. 10 نومبر: تیسرا ونڈے

4. 13 نومبر: چوتھا ونڈے

5. 15 نومبر: پانچواں ونڈے

نیوزی لینڈ کا اسکواڈ (پہلے 3 ونڈے کے لیے):  مچل سینٹنر (کپتان)، مائیکل بریسویل، مارک چیپمین، ڈیون کانوے، جیکب ڈفی، میٹ ہنری، کائل جیمیسن، ٹام لیتھم (وکٹ کیپر)، ڈیرل مچل، گلین فلپس، راچن رویندرا، ناتھن اسمتھ، ول ینگ، بلیئر ٹکنر۔

نیوزی لینڈ کا اسکواڈ (آخری 2 ونڈے کے لیے):  مچل سینٹنر (کپتان)، فن ایلن، مائیکل بریسویل، مارک چیپمین، کرسچین کلارک، جیکب ڈفی، میٹ فشر، لوکی فرگیوسن، مچ ہے (وکٹ کیپر)، نک کیلی، ٹم سیفرٹ (وکٹ کیپر)، بلیئر ٹکنر، ول ینگ۔