رن آؤٹ کی عجیب و غریب ہیٹ ٹرک بنا کر ممبئی انڈینز نے دہلی کیپٹلس کو دی شکست

ممبئی انڈینز نے دہلی کیپٹلس کو 12 رنز سے شکست دی ہے۔ دہلی کے ارون جیٹلی اسٹیڈیم میں کھیلے گئے اس میچ میں ممبئی انڈینز نے پہلے بیٹنگ کرتے ہوئے 205 رنز بنائے۔ جواب میں دہلی کی پوری ٹیم 193 رنز ہی بنا سکی۔ آئی پی ایل 2025 میں دہلی کی یہ پہلی شکست ہے، اس سے پہلے اس نے لگاتار 4 جیت درج کی تھی۔ دوسری طرف اگر ممبئی یہ میچ ہار جاتی تو پلے آف میں اس کا راستہ مشکل ہو جاتا۔ 19ویں اوور میں ممبئی انڈینز کے فیلڈرز نے عجیب و غریب انداز میں رن آؤٹ کی ہیٹ ٹرک کر کے میچ جیت لیا۔

206 رنز کے ہدف کے تعاقب میں دیپک چاہر نے ایم آئی یعنی ممبئی انڈینز  کو شاندار آغاز فراہم کیا۔ انہوں نے اننگز کی پہلی ہی گیند پر جیک فریزر میک گرک کو آؤٹ کیا۔ اس کے بعد ابھیشیک اور کرونا نائر نے ممبئی کی بولنگ کی کمر توڑ دی۔ دونوں نے مل کر 61 گیندوں میں 119 رنز بنائے۔ ابھیشیک  33 رنز بنانے کے بعد آؤٹ ہوئے لیکن کرونا نائر مختلف موڈ میں بلے بازی کرنے آئے۔ جب نائر 89 رنز کی طوفانی اننگز کھیلنے کے بعد آؤٹ ہوئے تو دہلی کو جیت کے لیے 50 گیندوں میں 71 رنز بنانے تھے، جو بہت آسان ہدف لگتا تھا۔

دہلی کیپٹلس نے 12 اوور میں 3 وکٹوں کے نقصان پر 140 رن بنائے تھے۔ ٹیم کو جیت کے لیے 48 گیندوں میں 66 رنز بنانے تھے۔ یہاں سے سوریہ کمار یادو، ٹرسٹن اسٹبس اور کے ایل راہول سمیت دیگر بلے بازوں نے وقفے وقفے سے اپنی وکٹیں گنوائیں۔ اگلے چار اووروں میں دہلی صرف 24 رنز بنانے میں کامیاب رہی اور اس نے تین اہم وکٹ گنوا دیے۔ اس کے ساتھ ہی 16 اوورز کے بعدا سکور 6 وکٹوں کے نقصان پر 164 رنز ہو گیا۔

ایک ایسے وقت میں جب دہلی کیپٹلس آسان فتح کی طرف بڑھ رہی تھی، صورتحال ایسی تھی کہ اسے 2 اوور میں 23 رنز بنانے پڑے۔ چونکہ جسپریت بمراہ کا ایک اوور باقی تھا، اس لیے یہ 23 رنز بھی ایک پہاڑی ہدف لگ رہے تھے۔ 19ویں اوور کی پہلی 2 گیندوں پر جسپریت بمراہ نے 8 رنز بنائے لیکن کون جانتا تھا کہ دہلی کے باقی 3 بلے باز اس اوور کی اگلی 3 گیندوں پر رن ​​آؤٹ ہو جائیں گے۔