دھونی میں ابھی بہت کرکٹ باقی ہے، ہندوستان کے لیے آگے بھی کھیلیں گے: راجیو شکلا

آئی پی ایل چیئرمین راجیو شکلا نے سابق کپتان مہندر سنگھ دھونی کی تعریف کرتے ہوئے کہا ہے کہ ابھی ان میں بہت کرکٹ باقی ہے اور وہ آگے بھی ملک کی نمائندگی کریں گے۔

تصویر سوشل میڈیا
تصویر سوشل میڈیا
user

یو این آئی

سہارنپور: آئی پی ایل چیئرمین راجیو شکلا نے سابق کپتان مہندر سنگھ دھونی کی تعریف کرتے ہوئے کہا ہے کہ ابھی ان میں بہت کرکٹ باقی ہے اور وہ آگے بھی ملک کی نمائندگی کریں گے۔

شکلا ہفتہ کو سہارنپور کے گیان كلش انٹرنیشنل اسکول کے میدان میں بین الاقوامی سطح کی کرکٹ پچ کا افتتاحی پروگرام میں شامل ہونے آئے تھے۔ انہوں نے نامہ نگاروں سے کہا کہ ہندستان کے بہترین وکٹ کیپر مہندر سنگھ دھونی کا ابھی بہت کرکٹ بچا ہے، وہ ہندستان کے لئے آگے بھی کھیلیں گے ۔ انہوں نے ہندوستانی کپتان وراٹ کوہلی اور اوپنر روہت شرما کے درمیان اختلافات کو مکمل طور پر تردید کی۔

سپریم کورٹ کے جسٹس ونیت شرن نے سہارنپور کے گیان كلش انٹرنیشنل اسکول کے میدان میں بین الاقوامی سطح کی کرکٹ پچ کا افتتاح کیا۔ جسٹس ونیت شرن نے کہا کہ ہندستان کو کھیلوں میں دنیا میں غلبہ بڑھا ہے۔ انہوں نے کہا کہ جہاں ہندستان نے بیڈمنٹن میں عالمی کھلاڑی پی وی سندھو، سائنا نہوال جیسے بہترین کھلاڑی دیئے ہیں، وہیں کرکٹ میں وراٹ کوہلی، مہندر سنگھ دھونی، روہت شرما جیسے کھلاڑی دیئے ہیں۔ انہوں نے ملک کے نوجوان طبقے سے کھیلوں میں بڑھ چڑھ کر حصہ لینے کا مطالبہ کیا۔


اتر پردیش کرکٹ ایسوسی ایشن کے چیف کیوریٹر شیو کمار یادو اور گرین پارک سہارنپور کے کیوریٹر کی نگرانی میں گزشتہ چھ ماہ میں یہ پچ تیار ہوئی ہے۔ پورے سہارنپور منڈل میں اس طرح کی کوئی دوسری پچ نہیں ہے۔ سابق رنجی کھلاڑی راکیش تیواری یہاں کے چیف کوچ رہیں گے۔

یہاں کے کرکٹ گراؤنڈ کے معیار کو دیکھتے ہوئے ریاستی کرکٹ ایسوسی ایشن نے وجے مرچنٹ ٹرافی کا انڈر 16 میچ آئندہ 16، 17، 18 اکتوبر کو گیان کلش کرکٹ گراؤنڈ میں کرانے کا فیصلہ کیا ہے۔ اس پچ کے بعد مقامی کھلاڑیوں کے کھیل میں بہتری آئے گی اور انہیں قومی سطح پر اپنی کھیل کی صلاحیتیں دکھانے کا موقع ملے گا۔


اس موقع پر سابق مرکزی وزیر اور آئی پی ایل کے چیئرمین راجیو شکلا کے علاوہ اتر پردیش کرکٹ ایسوسی ایشن کے سیکرٹری يدھوير سنگھ، سہارنپور کے شہر ممبر اسمبلی اور گیان کلش انٹرنیشنل اسکول کے بانی سنجے گرگ، سہارنپور ڈسٹرکٹ کرکٹ ایسو سی ایشن کے ڈائریکٹر اکرم سیفی موجود تھے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


    Published: 22 Sep 2019, 9:10 AM