گیل کا طوفان روکنے کے مقصد سے اترے گی دلّی

نئی دہلی: دو بار کے آئی پی ایل فاتح کپتان گوتم گمبھیر اور رکی پونٹنگ جیسے کھلاڑی کو کوچ رکھ کر دلی ڈیئر ڈیولس کی ٹیم ٹورنامنٹ کے 11 ویں ایڈیشن میں یکے بعد دیگرے شکست کا سامنا کررہی ہے اور اب اسے اپنی قسمت بدلنے کے لئے صرف اپنے گھر کا سہارا رہ گیا ہے لیکن ساتھ ہی اسے گیل نامی طوفان کو روکنا ہوگا۔

دلی کا آج اپنے گھریلو فیروز شاہ کوٹلہ میدان میں چوٹی کی ٹیم کنگس الیون پنجاب سے مقابلہ ہے اور ٹورنامنٹ میں بنے رہنے کے لئے اسے ہر حال میں یہ میچ جیتا ہوگا۔ پنجاب کی ٹیم جہاں پانچ میں سے چار میچ جیت کر چوٹی پر ہے وہیں دلی کی ٹیم پانچ میں سے چار میچ ہار کر آٹھ ٹیموں میں سب سے فسڈی ہے۔

دلی کے کپتان گمبھیر اور کوچ پوٹنگ نے ٹورنامنٹ شروع ہونے سے پہلے وعدہ کیا تھا کہ اس بار وہ دلی کی قسمت بدلیں گے اور اسے جیت سے ہمکنار کرائیں گے لیکن اب ایسا کچھ بھی دیکھنے کو نہیں ملا ہے اور دلی کی وہی لٹی پٹی حالت ہے جو پچھلے ایڈیشن میں تھی۔ کولکاتا کو دو بار چمپئن بنانے والے گمبھیر آٹھ سال بعد واپس دلی کے کپتان کے طور پر لوٹ آئے ہیں۔ وہ ابھی تک نہ تو کپتانی اور نہ ہی بلے سے دلی کو متاثر کرپائے ہیں۔

دوسری جانب پنجاب کی ٹیم نئے کپتان اور آف اسپنر روی چندرن اشون کی رہنمائی مین بالکل مختلف نظر آرہی ہے اور گزشتہ کچھ میچوں میں اس نے غضب کی کارکردگی کا مظاہرہ کیا ہے اور کرس گیل کی واپسی نے تو جیسے پنجاب میں نیا جوش بھر دیا ہے۔ گیل گزشتہ تین میچوں میں ایک سنچری اور دو نصف سنچریاں بنا چکے ہیں۔