پہلا ٹسٹ: ہندوستان کی امیدوں کے راستے میں بارش بنی رکاوٹ

ہندوستان کو میچ جیتنے اور سیریز میں برتری حاصل کرنے کے لیے 157 رنز درکار ہیں۔ لیکن آخری دن پہلے دو گھنٹوں میں کوئی کھیل ممکن نہیں ہو پایا۔

تصویر آئی اے این ایس
تصویر آئی اے این ایس
user

یو این آئی

ناٹنگھم: ہندوستان کی انگلینڈ کے خلاف پہلا ٹیسٹ جیتنے کی امیدوں کی راہ میں بارش رکاوٹ بن گئی ہے اور بارش کی وجہ سے صبح پہلے سیشن کا کھیل بالکل بھی نہیں ہوسکا اور لنچ پہلے لے لیا گیا۔ تیز گیند باز جسپریت بمراہ (64 رن پرپانچ وکٹ) کی شاندار گیند بازی کے باوجود انگلینڈ نے اپنے کپتان جو روٹ (109) کی شاندار سنچری کی مدد سے ہندوستان کے خلاف پہلے کرکٹ ٹیسٹ میچ کے چوتھے روز ہفتہ کو اپنی دوسری اننگز میں 303 رنز بنا کر ہندوستان کے سامنے جیت کے لیے 209 رنز کا ہدف رکھا تھا۔

اس ہدف کا تعاقب کرتے ہوئے بھارت نے اوپنر لوکیش راہل کا وکٹ گنوا کر 14 اوورز میں 52 رنز بنا لئے تھے۔ راہل 38 گیندوں پر چھ چوکوں کی مدد سے 26 رنز بنا کر اسٹورٹ براڈ کی گیند پر وکٹ کیپر جوس بٹلر کے ہاتھوں کیچ ہو گئے۔ چوتھے دن کا کھیل ختم ہونے پر روہت شرما اور چیتیشور پجارا 12-12 رنز بنانے کے بعد کریز پر موجود تھے۔ ہندوستان کو میچ جیتنے اور سیریز میں برتری حاصل کرنے کے لیے 157 رنز درکار ہیں۔ لیکن آخری دن پہلے دو گھنٹوں میں کوئی کھیل ممکن نہیں ہو پایا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔