عالمی کپ: جنوبی افریقہ کی 9 وکٹ سے فتح، سیمی فائنل میں پہنچنے کی سری لنکا کی امیدیں بھی ختم

سلامی بلے باز ہاشم آملہ کے نابعد 80 اور کپتان فاف ڈو پلیسی کے نابعد 96 رنوں کی بدولت جنوبی افریقہ نے سری لنکا کو عالمی کپ 2019 کے مقابلہ میں 9 وکٹ سے بری طرح سے روند ڈالا۔ سری لنکا نے جنوبی افریقہ کو جیت کے لئے 203 رنوں کا ہدف دیا تھا جسے جنوبی افریقہ نے 37.2 اوور میں 206 رن بنا کر حاصل کر لیا۔

قبل ازیں، ٹاس جیتنے کے بعد جنوبی افریقی ٹیم نے سری لنکا کو 49.3 اووروں میں 203 رنوں تک محدود رکھا۔ سری لنکا کی طرف سے کشل پریرا اور اویشکا فرنانڈو نے 30-30 رن بنائے۔

جنوبی افریقہ کی طرف سے ڈوائن پریٹوریس اور کرس مورس نے تین تین وکٹ حاصل کئے۔ واضح رہے کہ جنوبی افریقہ کی ٹیم سیمی فائنل کی ریس سے باہر ہو گئی ہے جبکہ سری لنکا بھی اس میچ کو ہارنے کے بعد سیمی فائنل کی ریس سے باہر ہو گئی۔

ڈوائن پریٹوریس کو شاندار گیند بازی کے لئے مین آف دی میچ قرار دیا گیا۔

فی الحال 21 اوور کا ھیل مکمل ہو چکا ہے اور جنوبی افریقہ کا اسکور ایک وکٹ کے نقصان پر 115 رن ہے۔ ڈوپلیسی 37 جبکہ ہاشم آملہ 52 رن بنا کر کریز پر موجود ہیں۔

204 رن کے چھوٹے ہدف کا تعاقب کرتے ہوئے جنوبی افریقہ کے بلے بازوں کے اسکور 100 رنوں کے پار پہنچا دیا ہے۔ 18 اوور کا کھیل مکمل ہو چکا ہے اور اب سری لنکا کا سیمی فائنل میں پہنچے کا سفر ختم ہوتا نظر آ رہا ہے۔ جنوبی افریقہ پہلے ہی سیمی فائنل کی ریس سے باہر ہے۔

سری لنکا نے آئی سی سی عالمی کپ کے میچ میں جنوبی افریقہ کے سامنے 204 رنوں کا ہدف رکھا ہے۔ ٹاس جیتنے کے بعد جنوبی افریقی ٹیم نے سری لنکا کو 49.3 اووروں میں 203 رنوں تک محدود رکھا۔ سری لنکا کی طرف سے کشل پریرا اور اویشکا فرنانڈو نے 30-30 رن بنائے۔

جنوبی افریقہ کی طرف سے ڈوائٓن پریٹوریس اور کرس مورس نے تین تین وکٹ حاصل کئے۔ واضح رہے کہ جنوبی افریقہ کی ٹیم سیمی فائنل کی ریس سے باہر ہو گئی ہے جبکہ سری لنکا کے لئے ابھی تک کچھ امیدیں باقی ہیں۔

سری لنکا کا آٹھواں وکٹ تھسارا پریرا کے طور پر گرا، انہوں نے 21 رنوں کا تعاون کیا۔ ان کا کیچ فیلوکیوایو کی گیند پر رباڈا نے لپکا۔

فی الحال 46 اوور کے بعد سری لنکا اکا اسکور 8 وکٹ کے نقصان پر 188 رن ہے۔

سری لنکا نے 163 کے اسکور پر جیون مینڈس کے بطور اپنا ساتواں کھلاڑی کھو دیا۔ انہیں 18 کے نجی اسکور پر کرس مورس نے ڈوائن پریٹوریس کے ہاتھوں کیچ آؤٹ کرایا۔

فی الحال 40 اوور ختم ہونے کے بعد سری لنکا کا اسکور 7 وکٹ کے نقصان پر 163 رن ہے۔ کریز پر نئے بلے باز ادانا اور تھسارا پریرا (8 رن) موجود ہیں۔

سری لنکا نے دھننجے ڈی سلوا کے طور پر اپنا چھٹا کھلاڑی کھو دیا ہے، انہوں نے 24 رنوں کا تعاون کیا اور جے پی ڈومنی کے ہاتھوں بولڈ ہو کر پویلین واپس لوٹے۔

سری لنکا کو 111 کے اسکور پر پانچواں جھٹکا لگ چکا ہے۔ پانچویں کھلاڑی کے طور پر کشل مینڈس آؤٹ ڈوائن پریٹوریس کی گیند پر کرس مورس کے ہاتھوں کیچ آؤٹ ہوئے انہوں نے 23 رنوں کا تعاون کیا۔

فی الحال 28 اوور ختم ہونے کے بعد سری لنکا کا اسکور 111 رن ہے اور اس کی نصف ٹیم پویلین واپس لوٹ چکی ہے۔

ٹاس ہار کر پہلے بلے بازی کرنے کے لئے اتری سری لنکائی ٹیم کی شروعات بے حد خراب رہی۔ میچ کی سب سے پہلے گیند پر سلامی بلے باز اور کپتان دیمتھ کرونارتنے کے طور پر سری لنکا کو پہلا نقصان ہوا۔ انہیں کاگسو رباڈا کی گیند پر کپتان فاف ڈو پلیسی نے لپکا۔ کرونارتنے کے کوئی رن نہیں بنایا۔

سری لنکا کو دوسرا جھٹکا اویشکا فرنانڈو (30 رن) کے طور پر لگا انہیں اور 67 کے مجموعی اسکور پر ڈوائن پریٹوریس نے کپتان فاف ڈو پلیسی کے ہاتھوں کیچ کراکر پویلین واپس بھیجا۔

کشل پریرا (30 رن) کے طور پر سری لنکا کو تیسرا جھٹکا لگا۔ انہیں 72 کے مجموعی اسکور پر ڈوائن پریٹوریس نے شاندار طریقہ سے بولڈ کر دیا۔

فی الحال 14 اوور ختم ہونے کے بعد سری لنکا کا اسکور 3 وکٹ کے نقصان پر 77 رن ہے۔ کشل مینڈس 6 رن بنا کر کھیل رہے ہیں جبکہ نئے بلے باز کے طور پر اینجلو میتھیوز کریز پر پہنچے ہیں انہوں نے ایک رن بنا لیا ہے۔

چیسٹر لی اسٹریٹ: جنوبی افریقہ کے کپتان فاف ڈو پلیسی نے ریورسائیڈ اسٹیدیم میں سری لنکا کے خلاف جاری آئی سی سی عالمی کپ 2019 کے میچ میں ٹاس جیت کر پہلے گیندبازی کرنے کا فیصلہ کیا۔ سیمی فائنل کی ریس سے باہر ہو چکی جنوبی افریقہ نے پلیئنگ الیون میں دو تبدیلیاں کی ہیں۔ لنگی نگیدی اور ڈیوڈ میلر کے مقام پر ڈویان پریٹوریس اور جیاں پال ڈیومنی کو موقع فراہم کیا گیاہے۔

ادھر سری لنکا کے لئے اس میچ میں نوان پردیپ کے مقام پر سرنگا لکمل کھیلیں گے۔

دونوں ٹیمیں اس طرح ہیں

سری لنکا: دیمتھ کرونارتنے (کپتان)، کشل پریرا (وکٹ کیپر)، اویکا فرنانڈو، کشل مینڈس، اینجلو میتھیوز جیون مینڈس، دھننجے ڈی سلوا، اسورو ادانا، تھسارا پریرا، سرنگا لکمل اور لستھ ملنگا۔

جنوبی افریقہ: کوئنٹن ڈی کاک (وکٹ کیپر)، فاف ڈو پلیسی (کپتان)، ہاشم آملہ، ایڈن مارکرام، راسی وین ڈیر ڈوسین، جیاں پال ڈیومنی، کاگسو رباڈا، ڈویان پریٹوریس، عمران طاہر، آندیلے فیلوکوایو اور کرس مورس۔