کرکٹ عالمی کپ: انگلینڈ اور افغانستان آمنے سامنے

مانچسٹر: دنیا کی نمبر ایک ٹیم اور میزبان انگلینڈ آئی سی سی ورلڈ کپ کی رینکنگ میں نچلے پائدان کی ٹیم افغانستان سے منگل کو ہونے والے میچ میں مقابلہ کرے گی۔

بارش کی وجہ سے رد ہوئے اپنے پچھلے مقابلے میں جنوبی افریقہ سے ہارنے کے بعد مسلسل چوتھی مرتبہ ہارکا منہ دیکھ چکی ٹیم افغانستان کا اگلا میچ اس ورلڈ کپ میں شاندار کارکردگی کا مظاہرہ کرنے والی ٹیم انگلینڈ سے منگل کو مین چیسٹر میں ہوگا۔ اس مقابلے میں انگلینڈ جیت کی مضبوط دعودے دار ہے جبکہ افغانستان کو ٹورنامنٹ میں بنے رہنے کے لئے کوئی کرشمہ ہی کرنا ہوگا۔

یہ مقابلہ افغانستان کے لئے ٹورنامنٹ میں آگے کی تصویر کافی حد تک صاف کردے گا۔ افغان ٹیم کو ورلڈ کپ میں بنے رہنے کے لئے اس مقابلے میں ہر حال میں جیت حاصل کرنی ہوگی۔ افغانستان نے ابھی تک چار میچ کھیلے ہیں اور اس ٹورنامنٹ میں ابھی تک اپنی ایک بھی جیت درج کرنے میں ناکام رہی ہے جبکہ میزبان ٹیم انگلینڈ نے چار میچوں میں تین جیت کر اپنی بنیاد مضبوط کرلی ہے وہ صرف پاکستان سے ایک میچ ہاری ہے۔

انگلینڈ نے پاکستان سے ملی ہار کے بعد اپنے پچھلے دونوں مقابلے جیتے ہیں۔انہوں نے بنگلہ دیش کو 106رنز کے بڑے فرق سے اور ویسٹ انڈیز کو آٹھ وکٹ سے ہرایا تھا۔ حالانکہ میزبان ٹیم کےلئے ان کے کپتان ایون مورگن اور سلامی بلے باز جیسن رائے کی فٹ نیس باعث تشویش ہے۔ دونوں ہی کھلاڑی زخمی ہونے کی وجہ سے ویسٹ انڈیز کے خلاف میچ کے درمیان میں ہی میدن سے باہر چلے گئے تھے۔