آسٹریلیا اور ویسٹ انڈیز میں چیلنجنگ مقابلہ

دفاعی چیمپئن آسٹریلیا اور ویسٹ انڈیز آج یہاں آئی سی سی ورلڈ کپ میچ میں آمنے سامنے ہوں گی تو ان کے بیچ زبردست مقابلہ ہونے کی توقع ہے۔

تصویر سوشل میڈیا
تصویر سوشل میڈیا
user

یو این آئی

ناٹنگھم: پانچ مرتبہ کی چیمپئن آسٹریلیا اور دو بار کی فاتح ویسٹ انڈیز اس ورلڈ کپ میں جیت کے ساتھ شروعات کر چکے ہیں۔ اس مقابلے میں دونوں ہی ٹیمیں جیت کی دعویدار ہیں۔ اس مقابلے میں چیمپئن آسٹریلیا کا بھی اصل امتحان ہوگا اور یہ دیکھنا دلچسپ ہوگا کہ اس کے کھلاڑی اپنے خطاب کا دفاع کرنے کے لئے کتنا تیار ہیں۔

آسٹریلیا نے اپنے پہلے میچ میں افغانستان کو سات وکٹوں سے شکست دی تھی جبکہ ویسٹ انڈیز نے اسی میدان میں پاکستان کے خلاف شاندار سات وکٹ سے کامیابی حاصل کی تھی۔ ویسٹ انڈیز کے لئے بھی یہ میچ چیلنجنگ ثابت ہوگا۔


آسٹریلیا کے پاس اگر کپتان ارون فنچ، ڈیوڈ وارنر، اسمتھ، عثمان خواجہ، میکسویل، شان مارش جیسے بلے باز ہیں جبکہ ویسٹ انڈیز کے پاس کرس گیل، ہوپ، شمرون، لوئس ، نکولس اور رسل جیسے جارحانہ بلے باز ہیں۔ ایسے بلے بازوں کی موجودگی میں مقابلہ یقینی طور پر دھماکہ خیز ہوگا۔

ویسٹ انڈیز کے پہلے مقابلے میں تیز گیند باز تھامس (27 رن پر 4 وکٹ) اور کپتان جیسن ہولڈر (42 رن پر 3 وکٹ) نے قہر برپا کرکے پاکستان کو محض 105 رن پر ڈھیر کردیا تھا۔ جبکہ کرس گیل کے جارحانہ 50 رن ویسٹ انڈیز کو سات وکٹ سے مقابلہ جیتنے میں مدد گار ثابت ہوئے۔


جبکہ عالمی چیمپئن آسٹریلیا نے افغانستان کو سات وکٹ سے شکت دے کر مقابلہ جیت لیا تھا۔ اس مقابلے میں افغانستان نے 207 رن بنائے تھے جبکہ آسٹریلیا نے 34.5 اوور میں تین وکٹ پر 209 رن بناکر یہ میچ اپنے نام کرلیا تھا۔ آسٹریلیا اور ویسٹ انڈیز کے اس مقابلے سے عالمی کپ کے آگے کے مقابلوں کی سمت بھی طے ہوگی۔

ممکنہ ٹیم:

آسٹریلیا: ایران فنچ (کپتان)، جیسن بہرنڈارف، ایلیکس کیری (وکٹ کیپر)، ناتھن کلٹر نائل، پیٹ کمنس، عثمان خواجہ، ناتھن لائن، شان مارش، گلین میکس ویل، کین رچرڈسن، اسٹیو اسمتھ، مشیل اسٹارک، مارکس اسٹوئنس، ڈیوڈ ورنر، ایڈم جامپا۔


ویسٹ انڈیز: جیسن ہولڈر (کپتان)، کرس گیل، ایون لوئس، ڈارین براوو، شمرون ہیٹ مائیر، ایشلے نرس، فابیان ایلن، آندرے رسیل، کارلوس بریتھ ویٹ، نکولس پورن (وکٹ کیپر)، شائی ہوپ (وکٹ کیپر)، کیمر روچ، اوشانے تھامس، شینن گیبریل، شیلٹن کوٹریل۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔