حیدرآباد ٹسٹ: پہلے دن کا کھیل ختم، ویسٹ انڈیز کا اسکور 295/7

ویسٹ انڈیز نے ہندوستان کے خلاف دوسرے ٹیسٹ کے پہلے دن کا کھیل ختم ہونے تک 7 وکٹ کے نقصان پر 295 رن بنا لیے ہیں۔ روسٹن چیس 98 رن بنا کر اور دیویندر بشو 2 رن بنا کر ناٹ آؤٹ ہیں۔ ہندوستان کی جانب سے اومیش یادو اور کلدیپ یادو نے سب سے زیادہ 3-3 وکٹ لیے جب کہ ایک وکٹ روی چندرن اشون کو حاصل ہوا۔

ہندوستان اور ویسٹ انڈیزکے درمیان حیدرآباد کے راجیو گاندھی انٹرنیشنل اسٹیڈیم میں کھیلے جارہے میچ کے درمیان آج ٹیم انڈیا کے کپتان وراٹ کوہلی کاایک پُرجوش مداح ان کے ساتھ سیلفی لینے کیلئے سیکورٹی کو چکمہ دے کر میدان میں آگیا تاہم اسے اُس وقت پکڑ لیاگیا جب وہ ہندوستانی کرکٹ ٹیم کے کپتان کے گال پربوسہ لینے کی کوشش کررہا تھا۔کوہلی ، اس میچ میں مڈوکٹ پرفیلڈنگ کر رہے تھے کہ یہ واقعہ پیش آیا۔

بعد ازاں سیکوریٹی افسران اس پُرجوش مداح کو کھینچ کر وہاں سے لے گئے۔ bاسی دوران ہجوم نے تالیاں بجانا شروع کردیا۔ میدان پرموجود امپائرس نے کوہلی کو مایوس دیکھ کر ڈرنکس کا اعلان کردیا۔ راج کوٹ میں گزشتہ ہفتہ کھیلے گئے پہلے ہفتہ میں بھی اسی طرح کا واقعہ پیش آیا تھا اور اب یہ ایسا دوسرا واقعہ ہے۔

ہندوستان اور ویسٹ انڈیز کے درمیان دوسرا اورآخری ٹسٹ حیدرآباد کے راجیو گاندھی بین الاقوامی اسٹیڈیم پر کھیلا جا رہا ہے۔ ٹاس جیت کر پہلے بلے بازی کرنے اتری ویسٹ انڈیز کی شروعات بے حد خراب رہی اور اس کے وکٹ لگاتار گرتے رہے۔ ویسٹ انڈیز نے چائے کے وقفہ کے بعد 86/3 کے اسکور سے آگے کھیلنا شروع کیا اور اب تک 200 رن بنانے میں 6 وکٹ کھو دئے ہیں۔ روسٹن چیس (50) اور جیسن ہولڈر (10) میدان پر موجود ہیں۔

چائے کے وقفہ کے بعد مہمان ٹیم کارکردگی میں کچھ بہتری لائی اور تین وکٹ کے نقصان پر 111 رن کا اضافہ کیا۔ پہلے سیشن میں جس طرح وکٹ گر رہے تھے دیکھ کر لگ رہا تھا کہ دوسرے سیشن تک پوری ویسٹ انڈیز کی ٹیم نمٹ جائے گی لیکن روسٹن اور شین نے مل کر اننگ کو سنبھالا۔ شین کے آؤٹ ہونے کے بعد جیسن ہولڈر کے ساتھ مل کر روسٹن اننگ کو 200 کے پار لے کر گئے۔

ویسٹ انڈیز نے پہلے سیشن میں ہی تین وکٹ گنوا دئے ہیں۔ ٹیم کو پہلا جھٹکا کیرون پاویل (22) کے طور پر لگا۔ انہیں آر اشون نے جڈیجا کے ہاتھوں کیچ آؤٹ کرایا۔ کلدیپ یادو نے اس کے بعد کریگ بریتھویٹ (14) کو 52 کے اسکور پر ایل بی ڈبلیو کر کے مہمان ٹیم کو دوسرا جھٹکا دیا۔

ہندوستان اور ویسٹ انڈیز کے بیچ دو میچوں کی ٹسٹ سریز کا دوسرا اور آخری مقابلہ حیدرآباد کے راجیو گاندھی انٹرنیشنل اسٹیڈیم میں کھیلا جا رہا ہے۔ ٹاس جیت کر پہلے بلے بازی کرنے اتری ویسٹ انڈیز کی ٹیم نے 2 وکٹ کے نقصان پر 52 رن بنا لئے ہیں۔ شمرون ہیٹ میئر اور شارپ ہوپ میدان پر موجود ہیں۔ اپنا پہلا ٹسٹ میچ کھیل رہے شاردل ٹھاکر ڈیڑھ اوور پھینکنے کے بعد ہی زخمی ہو گئے اور انہیں میدان سے باہر جانا پڑا۔