بنگلہ دیشی کھلاڑیوں نے ماسک لگا کر کی ٹریننگ

دہلی میں آلودگی کی موجودہ صورت حال اور تین نومبر کو یہاں کھیلے جانے والے ٹوئنٹی 20 بین الاقوامی میچ کے متعلق خدشات کے درمیان بنگلہ دیشی کھلاڑیوں نے جمعرات کو ماسک لگا کر مشق کی

تصویر سوشل میڈیا
تصویر سوشل میڈیا
user

یو این آئی

نئی دہلی: دہلی میں آلودگی کی موجودہ صورت حال اور تین نومبر کو یہاں کھیلے جانے والے ٹوئنٹی 20 بین الاقوامی میچ کے متعلق خدشات کے درمیان بنگلہ دیشی کھلاڑیوں نے جمعرات کو ماسک لگا کر مشق کی۔

ہندستان اور بنگلہ دیش کے درمیان تین ٹوئنٹی 20 میچوں کی سیریز کا پہلا مقابلہ تین نومبر کو ارون جیٹلی اسٹیڈیم میں منعقد ہونا ہے۔ لیکن دارالحکومت میں دیوالی کے بعد سے ہی آلودگی خطرناک سطح تک پہنچ گئی ہے جس سے دن بھر اندھیرے جیسی صورتحال بنی ہوئی ہے۔


اگرچہ ہندوستانی کرکٹ کنٹرول بورڈ (بی سی سی آئی) نے صاف کر دیا ہے کہ میچ طے پروگرام کے مطابق دہلی میں ہی ہوگا جبکہ اس سیریز میں ہندستانی ٹیم کی کپتانی کرنے جا رہے بلے باز روہت شرما نے بھی کہا ہے کہ انہیں دارالحکومت کے موسم کو لے کر کوئی پریشانی محسوس نہیں ہو رہی ہے۔

پہلے ٹوئنٹی 20 سے سابق بنگلہ دیشی بلے باز لٹن داس کے جمعرات کو ماسک پہن کر ٹریننگ کرتے دیکھا گیا۔ موجودہ صورت حال نے گزشتہ سال ہندستان اور سری لنکا کے درمیان سریز یاد دلادی جب مہمان ٹیم کے کھلاڑی دارالحکومت میں اسی دوران ہوئے میچ میں ماسک لگا کر کھیلے تھے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔