آخری ٹیسٹ کھیلنے والے ڈیوڈ وارنر کو تحفہ میں ملی بابر اعظم کی جرسی تو جواب میں کہا ’ماشاء اللہ‘

ڈیوڈ وارنر نے اپنے ٹیسٹ کیریر کا اختتام 8786 رنوں کے ساتھ کیا، انھوں نے یہ رن 112 ٹیسٹ کی 205 اننگز میں 44.59 کی اوسط سے بنائے، وارنر نے ٹیسٹ کیریر میں 26 سنچری اور 37 نصف سنچری لگائی۔

<div class="paragraphs"><p>ڈیوڈ وارنر، تصویر آئی اے این ایس</p></div>

ڈیوڈ وارنر، تصویر آئی اے این ایس

user

قومی آوازبیورو

آسٹریلیا کے سلامی بلے باز ڈیوڈ وارنر نے پاکستان کے خلاف ختم ہوئی ٹیسٹ سیریز کے ساتھ ہی اپنے ٹیسٹ کیریر کو الوداع کہہ دیا۔ آخری ٹیسٹ میچ کے بعد پاکستانی ٹیم نے ڈیوڈ وارنر کو ایک خاص تحفہ بھی دیا جس کو حاصل کر وہ بہت خوش ہوئے اور ’ماشاء اللہ‘ کہا۔ دراصل پاکستانی کپتان شان مسعود نے میچ ختم ہونے کے بعد پریزنٹیشن تقریب کے دوران ڈیوڈ وارنر کو اسٹیج پر بلا کر بابر اعظم کی جرسی بطور تحفہ پیش کی۔ اس جرسی پر ٹیم کے سبھی کھلاڑیوں کے دستخط موجود تھے۔ شان مسعود نے جب وارنر کو یہ تحفہ پیش کیا تو انھوں نے ’ماشاء اللہ‘ کہتے ہوئے شکریہ ادا کیا۔ اس کی ویڈیو سوشل میڈیا پر وائرل ہو رہی ہے۔

واضح رہے کہ آسٹریلیا اور پاکستان کے درمیان 3 ٹیسٹ میچ کی سیریز کھیلی گئی جس میں آسٹریلیا نے 0-3 سے فتح حاصل کی۔ ڈیوڈ وارنر نے پہلے ہی اعلان کر دیا تھا کہ وہ پاکستان کے خلاف ٹیسٹ سیریز کے بعد کرکٹ کے اس بڑے فارمیٹ سے ریٹائرمنٹ لے لیں گے۔ یعنی ڈیوڈ وارنر کو آسٹریلیائی ٹیم نے جیت کے ساتھ ٹیسٹ کرکٹ کو الوداع کہنے کا بہترین موقع فراہم کر دیا۔ ڈیوڈ وارنر نے اپنے ٹیسٹ کی آخری اننگ میں شاندار نصف سنچری بنائی اور ٹیم کی جیت میں انتہائی اہم کردار نبھایا۔


قابل ذکر ہے کہ ڈیوڈ وارنر نے اپنے ٹیسٹ کیریر کا اختتام 8786 رنوں کے ساتھ کیا۔ انھوں نے یہ رن 112 ٹیسٹ کی 205 اننگز میں 44.59 کی اوسط سے بنائے۔ وارنر نے ٹیسٹ کیریر میں 26 سنچری اور 37 نصف سنچری لگائی۔ غور طلب ہے کہ ڈیوڈ وارنر نے پاکستان کے خلاف کھیلی گئی ٹیسٹ سیریز کے دوران ہی وَنڈے کرکٹ سے بھی ریٹائرمنٹ کا اعلان کر دیا تھا۔ یعنی اب وہ آسٹریلیا کے لیے صرف ٹی-20 کرکٹ کھیلتے ہوئے ہی نظر آئیں گے۔ ان کی نظر آئندہ ٹی-20 عالمی کپ پر ہے اور وہ چاہتے ہیں کہ اس ٹورنامنٹ میں اپنی ٹیم کے لیے بہترین کارکردگی کا مظاہرہ کریں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


/* */