اظہر الدین کے بیٹے کی ثانیہ مرزا کی بہن سے ہوگی شادی

ہندوستان کے معروف کرکٹر اظہر الدین کے بیٹے اسد کی شادی ملک کی معروف ٹینس اسٹار ثانیہ مرزا کی چھوٹی بہن انم کے ساتھ ہوگی!

تصویر سوشل میڈیا
تصویر سوشل میڈیا
user

قومی آوازبیورو

اظہر الدین کے بیٹے اسد اور ثانیہ مرزا کی چھوٹی بہن انم کی محبت کا ذکر سوشل میڈیا پر خوب زوروں پر ہے اور دونوں کی کئی تصویریں بھی سوشل میڈیا پر وائرل ہو رہی ہیں ۔ہندوستان کی ٹینس اسٹار ثانیہ مرزا جن کی شادی پاکستان کے معروف کرکٹر شیعب ملک کے ساتھ ہوئی ہے ان کی چھوٹی بہن کی شادی ہندوستان کے معروف کرکٹر اظہر الدین کے بیٹے اسد سے ہونے کی خبریں ہیں ۔ ویسے اس خبر کی تصدیق خود ثانیہ مرزا نے انگریزی اخبار ٹائمس آف انڈیا سے ایک انٹر ویو میں کر دی ہے ۔

اظہر الدین کے بیٹے کی ثانیہ مرزا کی بہن سے ہوگی شادی

انم اور اسد کی شادی سے متعلق جو بھی خبریں چل رہی تھیں ان پر فل اسٹاپ لگاتے ہوئے ثانیہ مرزا نے کہا ہے کہ اس سال دسمبر تک دونوں کی شادی ہو سکتی ہے۔ ثانیہ نے یہاں تک کہا کہ وہ حال ہی میں پیرس کے دورے سے آئی ہیں اور پورا خاندان اس شادی کو لے کر کافی پرجوش نظر آ رہا ہے ۔ ثانیہ نے کہا کہ اسد بہت ہی پیارا اور اچھالڑکا ہے ۔ اسد کرکٹ کھیلتے ہیں اور انم فیشن ڈیزائنر ہے ۔

اظہر الدین کے بیٹے کی ثانیہ مرزا کی بہن سے ہوگی شادی

واضح رہے اسد اور انم دونوں کی کئی تصاویر سوشل میڈیا پر ساتھ نظر آتی ہیں ۔ یہ محض اتفاق ہے کہ دونوں بہنوں، ثانیہ اور انم ، کے دلہوں کا کہیں نہ کہیں کرکٹ کی دنیا سے تعلق رکھنے والے لڑکو سے ہے اور یہ بھی اتفاق ہے کہ دونوں بہنوں کی جہاں شادی ہو رہی ہے ان میں یا تودلہا خود یا دلہا کے والد کو میچ فکسنگ کے الزامات سے گزرنا پڑا ہے ۔ اظہر الدین جو ہندوستان کے اپنے وقت کے بہترین بلے باز ار کپتان تھے وہیں شعیب ملک پاکستان کے بہترین بلے باز تھے لیکن دونوں کی کھیل کی زندگی میں میچ فکسنگ کا سایا بھی رہا ہے ۔ شعیب ملک پر بھی سال 2010 میں ایک سال کی پابندی لگی تھی۔

Published: 7 Oct 2019, 11:55 AM
next