وارنر کی نصف سنچری، آسٹریلیا نے سری لنکا کو ہرادیا

سری لنکا نے آسٹریلیا کے خلاف میچ میں 20 اوورز میں چھ وکٹ پر 154 رنز کا چیلنجنگ اسکور بنایا لیکن اس کے گیند باز اس اسکور کا دفاع نہ کر سکے۔

تصویر آئی اے این ایس
تصویر آئی اے این ایس
user

یو این آئی

زبردست اوپنر ڈیوڈ وارنر کی فارم میں شاندار واپسی کے بعد آسٹریلیا نے بدھ کو آئی سی سی ٹی۔20 ورلڈ کپ کے گروپ ون کے یکطرفہ مقابلے میں سری لنکا کو سات وکٹوں سے شکست دے کر ٹورنامنٹ میں مسلسل دوسری کامیابی حاصل کی۔

سری لنکا نے آسٹریلیا کے خلاف میچ میں 20 اوورز میں چھ وکٹ پر 154 رنز کا چیلنجنگ اسکور بنایا لیکن اس کے گیند باز اس اسکور کا دفاع نہ کر سکے اور آسٹریلیا نے 17 اوورز میں تین وکٹ پر 155 رنز بنا کر آسان فتح حاصل کی۔ وارنر نے 42 گیندوں پر 65 رنز کی اپنی اننگز میں 10 چوکے لگائے۔


سری لنکا کی جانب سے اوپنر کشال پریرا نے 25 گیندوں پر چار چوکوں اور ایک چھکے کی مدد سے 35 رنز بنائے، چریت اسلانکا نے 27 گیندوں پر چار چوکوں اور ایک چھکے کی مدد سے 35 رنز بنائے، بھانوکا راجا پاکسے نے 26 گیندوں پر چار چوکوں اور ایک چھکے کی مدد سے 33 رنز بنائے اور کپتان داسن شناکا نے 19 گیندوں میں ایک چوکے کی مدد سے 12 رنز بنائے۔ آسٹریلیا کی جانب سے مچل اسٹارک، پیٹ کمنز اور ایڈم زمپا نے دو دو وکٹیں حاصل کیں۔

دوسری جانب وارنر نے پہلی وکٹ کے لیے 6.5 اوورز میں 70 رنز جوڑے اور ساتھی اوپنر اور کپتان ارون فنچ کی جانب سے 37 رنز کی شاندار اننگز کھیلی گئی۔ آسٹریلیا نے ایک بار پھر 10 رنز کے فرق سے دو وکٹیں گنوا دیں۔ فنچ نے 23 گیندوں میں پانچ چوکوں اور دو چھکوں کی مدد سے 37 رنز بنائے۔ گلین میکسویل چھ گیندوں پر پانچ رنز بنا کر آؤٹ ہوئے۔


وارنر نے اس کے بعد اسٹیون اسمتھ کے ساتھ تیسری وکٹ کے لیے 50 رنز کی اہم شراکت داری کرکے آسٹریلیا کو فتح کے قریب پہنچا دیا۔ وارنر کو داسن شاناکا نے آؤٹ کیا۔

وارنر کی وکٹ 130 کے اسکور پر گری۔ لیکن اسمتھ نے مارکس اسٹوئنس کے ساتھ مل کر آسٹریلیا کو 17 اوورز میں ہی فتح تک پہنچا دیا۔ اسمتھ نے 26 گیندوں پر ناٹ آؤٹ 28 رنز میں ایک چوکا لگایا جبکہ اسٹوئنس نے صرف سات گیندوں پر دو چوکوں اور ایک چھکے کی مدد سے ناٹ آؤٹ 16 رنز بنائے۔
مختصر اسکور:
سری لنکا: 20 اوورز میں چھ وکٹ پر 154 رنز
آسٹریلیا: 17 اوورز میں تین وکٹ پر 155

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔