سینسیکس نے پہلی بار 57 ہزار کا ہندسہ عبور کرکے رقم کی نئی تاریخ

ممبئی: تیس حصص والے سینسیکس نے منگل کے روز پہلی بار 57 ہزار کا ہندسہ عبور کرکے ایک نئی تاریخ رقم کی اور نیشنل اسٹاک ایکسچینج (این ایس ای) کا نفٹی بھی 17 ہزار کو پار کرنے کے لیے بے چین نظر آرہا ہے۔ ایئرٹیل، بجاج فنانس، ٹاٹا اسٹیل، سن فارما، ایچ ڈی ایف سی، این ٹی پی سی، ماروتی اور آئی سی آئی سی آئی بینک جیسی سرخیل کمپنیوں میں خریداری کے سبب سینسیکس 106 پوائنٹس کے اضافے سے 569995.15 پوائنٹس پر کھلاا۔

ابتدائی کاروبار میں ہی مضبوط خریداری کے زور پر اس نے 57 ہزار پوائنٹس کوعبور کرتے ہوئے 57124.78 پوائنٹس کی تاریخی بلند ترین سطح پر پہنچ گیا، لیکن اسی عرصے کے دوران ریلائنس انڈسٹریز اور اسٹیٹ بینک آف انڈیا جیسی بڑی کمپنیوں میں فروخت شروع ہونے کی وجہ سے یہ 57 ہزار پر زیادہ دیر تک ٹکا نہیں رہ سکا۔ فروخت کی وجہ سے یہ 56859.10 پوائنٹس کی سطح پر آگیا۔ ابھی یہ 88.51 پوائنٹس کے اضافے کے ساتھ 56978.88 پوائنٹس پر کاروبار کر رہا ہے۔

اسی طرح این ایس ای کا نفٹی بھی 16 پوائنٹس کے اضافے سے 16947.50 پوائنٹس پر کھلا۔ ابتدائی کاروبار میں یہ 17 ہزار پوائنٹس کے قریب پہنچتے ہوئے 16995.55 کی بلند ترین سطح تک پہونچا، لیکن اسی عرصے کے دوران فروخت شروع ہونے کی وجہ سے یہ 169915.85 پوائنٹس کی کم ترین سطح پر آگیا۔ ابھی یہ 34.15 پوائنٹس کے اضافے کے ساتھ 16965.20 پوائنٹس پر کاروبار کر رہا ہے۔