پٹرولیم مصنوعات کی قیمتوں میں استحکام، بلند ترین سطح پر برقرار

نئی دہلی: آئل مارکیٹنگ کمپنیوں نے ہفتے کے روز پٹرول اور ڈیزل کی قیمتوں میں کوئی تبدیلی نہیں کی۔ دہلی میں پٹرول کی قیمت 99.16 روپے فی لیٹر کی اب تک کی بلند ترین سطح برقرار پر رہی۔ جمعہ کو پٹرول 35 پیسے مہنگا ہوا تھا جبکہ ڈیزل کی قیمت مسلسل چوتھے دن 89.18 روپے فی لیٹر پر برقرار رہی۔

پٹرول اور ڈیزل کی قیمتوں میں اضافے کا موجودہ عمل 4 مئی سے شروع ہوا تھا۔ دہلی میں مئی اور جون میں پٹرول 8.41 روپے اور ڈیزل 8.45 روپے مہنگا ہوا تھا۔

ملک کے دوسرے شہروں میں بھی آج پٹرولیم مصنوعات کی قیمتیں مستحکم رہی۔ ممبئی میں پٹرول 105.24 روپے اور ڈیزل 96.72 روپے فی لیٹر رہا۔ چنئی میں پٹرول 100.13 روپے اور ڈیزل 93.72 روپے فی لیٹر پر فروخت ہوا۔ کولکاتا میں ایک لیٹر پٹرول کی قیمت 99.04 روپے اور ڈیزل کی قیمت 92.03 روپے رہی۔

آج ملک کے چار میٹرو میں پٹرول اور ڈیزل کی قیمتیں حسب ذیل ہیں۔

شہر کا نام —— پٹرول —— ڈیزل

دہلی ——— 99.16 ——— 89.18

ممبئی —— 105.24 ——— 96.72

چنئی —— 100.13 -——— 93.72

کولکاتا —— 99.04 ——— 92.03