پٹرول اور ڈیزل کی قیمتیں بلند ترین سطح پر برقرار، عوام کو کوئی راحت نہیں

پٹرول اور ڈیزل کی قیمتیں اتوار کے روز ریکارڈ اونچائی پر مستحکم رہی۔ اس سے قبل ہفتے کے روز ان دونوں ایندھنوں کی قیمتوں میں اضافہ کیا گیا تھا

پٹرول اور ڈیزل / تصویر آئی اے این ایس
پٹرول اور ڈیزل / تصویر آئی اے این ایس
user

یو این آئی

نئی دہلی: پٹرول اور ڈیزل کی قیمتیں اتوار کے روز ریکارڈ اونچائی پر مستحکم رہی۔ اس سے قبل ہفتے کے روز ان دونوں ایندھنوں کی قیمتوں میں اضافہ کیا گیا تھا۔

آئل مارکیٹنگ کمپنی انڈین آئل کارپوریشن کے مطابق دہلی میں پٹرول کی قیمت میں کوئی تبدیلی نہیں ہوئی جس کی قیمت 100.91 روپے اور ڈیزل 89.88 روپے فی لیٹر پر برقرار ہے۔ مغربی بنگال اور دیگر چار ریاستوں میں انتخابات کے بعد ان کی قیمتوں میں تیزی سے اضافہ ہوا ہے۔

پٹرول اور ڈیزل کی قیمتوں میں اضافے کا موجودہ سلسلہ 4 مئی سے شروع ہوا تھا۔ دہلی میں مئی اور جون میں پٹرول 8.41 روپے اور ڈیزل 8.45 روپے مہنگا ہوا تھا۔ جولائی میں اب تک پٹرول کی قیمت میں 2.10 روپے اورڈیزل کی قیمت میں 72 پیسے فی لیٹر اضافہ ہوا ہے۔


آج ملک کے دوسرے شہروں میں ان دونوں ایندھن کی قیمتوں میں کوئی تبدیلی نہیں کی گئی۔ ممبئی میں پٹرول 106.93 روپے اور ڈیزل 97.46 روپے فی لیٹر پر فروخت ہورہا ہے۔ چنئی میں ایک لیٹر پٹرول کی قیمت 101.67 روپے اور ڈیزل کی قیمت 94.39 روپے ہے جبکہ کولکاتا میں پٹرول 101.01 روپے اور ڈیزل 92.97 روپے فی لیٹر پر مستحکم رہا۔

آج ملک کے چار میٹرو میں پٹرول اور ڈیزل کی قیمتیں حسب ذیل ہیں:

شہر کا نام —— پٹرول روپے / لیٹر —— ڈیزل روپے / لیٹر

دہلی ————— 100.91 —————— 89.88

ممبئی ————— 106.93 —————— 97.46

چنئی —————- 101.67 -—————-- 94.39

کولکاتا ———— 101.01 —————— 92.97

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔