تیل قیمتوں میں آج پھر اضافہ؛ دہلی، کولکاتا میں پٹرول کے دام 92 روپے سے متجاوز

نئی دہلی: ملک کے چار بڑے میٹرو شہروں میں آج پٹرول کی قیمت میں 25 پیسے اور ڈیزل کی قیمت میں 27 پیسے کا اضافہ کیا گیا ہے۔ ۔

آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں آج پٹرول اور ڈیزل کی قیمتیں 25۔25 پیسے کا اضافہ ہونے سے پٹرول 92.05 اور ڈیزل 82.61 روپے فی لیٹر ہوگئیں۔ دہلی میں پٹرول پہلی بار 92 روپےسے متجاوز کرگیا۔

گزشتہ چار مئی سے اب تک دہلی میں پٹرول 1.65 روپے اور ڈیزل میں 1.88 روپے مہنگا ہوچکا ہے۔ ان نو دنوں میں سےسات دن تک قیمتوں میں اضافہ ہوا ہے جبکہ دو دن مستحکم رہی ہیں۔ممبئی اور کولکاتا میں پٹرول کی قیمت میں 24۔24 پیسے اور چنئی میں 22 پیسے کا اضافہ ہوا ہے۔ ممبئی میں ایک لیٹر پٹرول 98.36 روپے ، چنئی میں 93.84 روپے اور کولکاتا میں 92.16 روپے ہوگیا۔

ممبئی میں ڈیزل کی قیمت 27 پیسے بڑھ کر 89.75 روپے ، چنئی میں 24 پیسے بڑھ کر 87.49 روپے اور کولکاتا میں 25 پیسے کا اضافہ ہونے سے 85.45 روپے ہوگئی ہے۔ پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنا پر ہر روز صبح چھ بجے سے نئی قیمتوں کا اطلاق ہوتا ہے۔

ملک کے چار میٹرو شہروں میں آج پٹرول اور ڈیزل کی قیمتیں حسب ذیل تھیں۔

شہر—— پٹرول——— ڈیزل

دہلی ——92.05 —— 82.61

ممبئی —— 98.36 —— 89.75

چنئی ——93.84 ——87.49

کولکاتا ——92.16 —— 85.45