تیل کی قیمتوں میں ایک بار پھر اضافہ، ممبئی میں پٹرول 105 روپے کے پار

دو دن کے وقفے کے بعد آج پھر سے پٹرول کی قیمتوں میں اضافہ کیا، جس کی وجہ سے پہلی بار ممبئی میں اس کی قیمت 105 روپے فی لیٹر کو عبور کر گئی، تاہم ڈیزل کے دام مسلسل تیسرے دن بلند ترین سطح پر مستحکم ہیں

پٹرول ڈیزل / تصویر یو این آئی
پٹرول ڈیزل / تصویر یو این آئی
user

قومی آوازبیورو

نئی دہلی: آئل مارکیٹنگ کمپنیوں نے جمعہ کے روز دو دن کے وقفے کے بعد ایک بار پھر پٹرول کی قیمتوں میں اضافہ کیا ، جس کی وجہ سے پہلی بار ممبئی میں اس کی قیمت 105 روپے ، چنئی میں 100 اور دہلی و کولکاتا میں 99 روپے فی لیٹر عبور کر گئی ہے۔ ڈیزل مسلسل تیسرے روز بھی پرانی قیمتوں میں برقرار رہا۔

ملک کے چار بڑے میٹرو میں پٹرول آج 40 پیسے مہنگا ہوگیا۔ معروف آئل مارکیٹنگ کمپنی انڈین آئل کارپوریشن کے مطابق دہلی میں پٹرول کی قیمت میں 35 پیسے اضافے کے بعد یہ فی لیٹر 99.16 روپے کی اونچی سطح پر پہنچ گیا۔ ڈیزل 89.18 روپے فی لیٹر پر مستحکم رہا۔


پٹرول اور ڈیزل کی قیمتوں میں اضافے کا موجودہ سلسلہ 4 مئی سے شروع ہواتھا۔ مئی اور جون میں پٹرول 8.41 روپے اور ڈیزل 8.45 روپے مہنگا ہوا تھا۔ ممبئی میں پٹرول کی قیمت میں 34 پیسے کے اضافہ سے ریکارڈ بلند ترین 105.24 روپے فی لیٹر ہوگیا ۔ ڈیزل 96.72 روپے فی لیٹر پر مستحکم رہا۔

چنئی میں بھی پٹرول سو روپے کو عبور کرگیا وہاں اس کی قیمت 33 پیسے اضافے سے 100.13 روپے فی لیٹرجبکہ ڈیزل 93.72 روپے فی لیٹر پر رہا۔ کولکاتا میں پٹرول 40 پیسے مہنگا ہوا اور یہ فی لیٹر 99.04 روپے تک پہنچ گیا۔ وہاں ڈیزل 92.03 روپے فی لیٹر پربرقرارہے۔ پٹرول اور ڈیزل کی قیمتوں کا یومیہ جائزہ لیا جاتا ہے اور اسی بنا پر روزانہ صبح 6 بجے سے نئی قیمتوں پر عمل درآمد ہوتا ہے۔


آج ملک کے چار میٹرو میں پٹرول اور ڈیزل کی قیمتیں کچھ اس طرح تھیں۔

شہر کا نام —— پٹرول روپے / لیٹر —— ڈیزل روپے / لیٹر

دہلی ————— 99.16 —————— 89.18

ممبئی ————— 105.24 —————— 96.72

چنئی —————- 100.13 -—————- 93.72

کولکاتا ———— 99.04 —————— 92.03

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔