ماروتی چھوٹی کاروں کا سی این جی ماڈل لانچ کرے گی

ماروتی سوزوکی کے چیئرمین آر سی بھارگو کا کہنا ہے کہ کمپنی کی پوری توجہ میڈ ان انڈیا اور فیکٹری فیٹیڈ سی این جی گاڑیوں پر مرکوز رہے گی۔ حکومت 10 ہزار سی این جی اسٹیشن کھولنے کا اعلان کیا ہے۔

تصویر سوشل میڈیا
تصویر سوشل میڈیا
user

قومی آوازبیورو

نئی دہلی: ملک کی سب سے بڑی کار بنانے والی کمپنی ماروتی سوزوکی انڈیا لمیٹڈ اپنے پورٹفولیو کی سبھی چھوٹی کاروں کا سی این جی (کمپریسڈ نیچرول گیس) ماڈل لائے گی۔ کمپنی نے یہ فیصلہ تیل کی کھپت میں کمی اور گاڑیوں سے ہونے والی آلودگی میں کمی لانے کے لئے کیا ہے۔

کمپنی نے آئندہ سال مارچ میں اپنے پورٹ فولیو سے پٹرول اور ڈیزل سے چلنے والی تمام کاروں کی فروخت روکنے کا پہلے ہی اعلان کیا تھا۔ ایسا خیال کیا جا رہا ہے کہ کمپنی کار بازار میں اپنی گرفت کو مضبوط بنائے رکھنے کے لئے سی این جی ایڈیشن پر زور دے رہی ہے۔ موجودہ وقت میں ماروتی آلٹو، آلٹو کے 10، ویگن آر، سلیريو، ڈیزائر، ٹور ایس، ایکو اور چھوٹے ٹرک سپر کیری سمیت آٹھ سی این جی ماڈلوں کی فروخت کرتی ہے۔


واضح رہے کہ کمپنی کے کل 16 ماڈل بازار میں دستیاب ہیں اور گھریلو بازار میں ڈیزل کی کاروں کی فروخت میں اس کا حصہ 23 فیصد ہے۔ ماروتی کی کل بکری میں سی این جی گاڑیوں کا حصہ محض 7 فیصد ہے۔

ماروتی سوزوکی کے چیئرمین آر سی بھارگو کا کہنا ہے کہ کمپنی کی پوری توجہ میڈ ان انڈیا اور فیکٹری فیٹیڈ سی این جی گاڑیوں پر مرکوز رہے گی۔ حکومت 10 ہزار سی این جی اسٹیشن کھولنے کا اعلان کیا ہے۔ گاہکوں کو بھی سی این جی گاڑیوں سے کوئی گریز نہیں ہے۔


غور طلب ہے کہ فی الحال سی این جی فلنگ اسٹیشن اہم طور پر دہلی سمیت قومی راجدھانی خطہ، اتر پردیش کی راجدھانی لکھنؤ، گجرات اور ممبئی میں موجود ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 03 Sep 2019, 8:10 PM