ہندوستانی زر مبادلہ کے ذخائر میں 81.95 کروڑ ڈالر کی کمی 

آر بی آئی کی جانب سے جاری ہفتہ وار اعداد و شمار کے مطابق ایک ہفتے میں ملکی زرمبادلہ کے ذخائر میں 81.95 کروڑ ڈالر کی کمی واقع ہوئی ہے۔

ملک کے زر مبادلہ کے ذخائر میں 14 ستمبر کو ختم ہونے والے ہفتہ میں 81.95 کروڑ ڈالر کمی واقع ہوئی ہے۔ زر مبادلہ کے ذخائر کم ہو کر 399.28 ارب ڈالر رہ گئے ہیں جوکہ 28670.1 ارب روپے کے برابر ہیں۔

ریزرو بینک آف انڈیا (آر بی آئی) کی جانب سے جاری ہفتہ وار اعداد و شمار کے مطابق زر مبادلہ کے ذخائر کے سب سے بڑے جز (ایس ڈی آر) میں 88.74 کروڑ ڈالر کی کمی واقع ہوئی ہے اور یہ گھٹ کر 375.09 ارب ڈالر رہ گیا ہے جو کہ 26951 ارب ڈالر کے برابر ہے۔

زر مبادلہ کے ذخائر کو ڈلر میں ظاہر کیا جاتا ہے اور ان ذخائر میں موجود پاؤنڈ، اسٹرلنگ، یین جیسی بین الاقوامی کرنسیوں کی قیمتوں میں وہنے والے اتار چڑھاؤ کا براہ راست اثر پڑتا ہے۔

جائزہ کی مدت میں ملک کے سونے کے ذخائر 20.23 ارب ڈالر رہے جو 1435.1 ارب روپے کے برابر ہے۔ دریں اثنا ملک کے خصوصی نکاسی حقوق میں 15 لاکھ ڈالر کی کمی واقع ہوئی ہے اور یہ حقوق اب 1.47 ارب ڈالر ہو گئے ہیں جو 106.1 ارب روپے کے برابر ہیں۔

بین الاقوامی مالیاتی فنڈ (آئی ایم ایف) میں ملک کے موجودہ ذخائر کی قدر 25 لاکھ ڈالر گھٹ کر 2.47 ارب ڈالر کرج کی گئی ہے جو 177.90 ارب روپے کے برابر ہے۔

سب سے زیادہ مقبول