گھریلو ایل پی جی سلینڈر کی قیمتوں میں 10 روپے کی کمی، نئی قیمتیں یکم اپریل سے لاگو

گھریلو ایل پی جی سلینڈر کی قیمتوں میں 10 روپے کی کمی کی گئی ہے، حال ہی میں پٹرول اور ڈیزل کے داموں میں بھی بالترتیب 61 پیسے اور 60 پیسے فی لیٹر کی کمی کی گئی تھی

ایل پی جی سلینڈر / آئی اے این ایس
ایل پی جی سلینڈر / آئی اے این ایس
user

قومی آوازبیورو

نئی دہلی: ملک میں گھریلو ایل پی جی سلینڈر کی قیمتوں میں 10 روپے کی کمی کی گئی ہے۔ انڈین آئل کارپوریشن لمیٹڈ نے اعلان کیا ہے کہ نئی قیمتیں کل یعنی کہ یکم اپریل سے نافذ العمل ہوں گی۔ خیال رہے کہ حال ہی کے دنوں میں ایل پی جی کی فی سلینڈر 125 روپے تک مہنگا کیا گیا تھا۔ دہلی میں اس وقت گھریلو ایل پی جی سلینڈر 819 روپے میں دستیاب ہے۔ اب اس کی قیمت 809 روپے ہوگی۔

حال کے دنوں میں پٹرول کی قیمتوں میں 61 پیسے فی لیٹر اور ڈیزل کی قیمتوں میں 60 پیسے فی لیٹر کی کمی کی گئی تھی۔ اس وقت دہلی پٹرول 80.87 روپے فی لیٹر جبکہ پٹرول 90.56 روپے فی لیٹر کی قیمت پر دستیاب ہے۔


کچھ دنوں پہلے راجستھان، مہاراشٹر اور مدھیہ پردیش کے کچھ شہروں میں پٹرول کے دام 100 روپے فی لیٹر کی سطح سے تجاوز کر گئے تھے۔ بین الاقوامی بازاروں میں فروری میں قیمتوں میں گراوٹ کا رخ نظر آیا، جس سے گھریلو سطح پر بھی کمی نظر آئی۔

پٹرول اور ڈیزل کی قیمتوں میں کمی کو کانگریس راہل لیڈر راہل گاندھی کئی ریاستوں میں ہو رہے انتخاب انتخابات کے پیش نظر اٹھایا ہوا قدم قرار دے چکے ہیں۔ دراصل، حکومت نے پٹرول اور ڈیزل کے داموں میں بالترتیب 17 پیسے اور 18 پیسے فی لیٹر کی تخفیف کی تھی، جس پر راہل گاندھی نے لوگوں سے پوچھا تھا کہ وہ اتنے پیسوں کا کیا کیا کریں گے!

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔