انکم ٹیکس ریٹرن داخل کرنے کی تاریخ میں 15 مارچ تک توسیع

محکمہ انکم ٹیکس نے سال 2021-22 کے ریٹرن داخل کرنے کے ساتھ ہی مختلف قسم کی آڈٹ رپورٹس داخل کرنے کی آخری تاریخ میں توسیع کرنے کا فیصلہ کیا ہے

انکم ٹیکس / یو این آئی
انکم ٹیکس / یو این آئی
user

یو این آئی

نئی دہلی: محکمہ انکم ٹیکس نے سال 2021-22 کے ریٹرن داخل کرنے کے ساتھ ہی مختلف قسم کی آڈٹ رپورٹس داخل کرنے کی آخری تاریخ میں توسیع کرنے کا فیصلہ کیا ہے۔ اس کے تحت سال 2021-22 کے لیے ریٹرن داخل کرنے کی آخری تاریخ 31 دسمبر 2021 تھی، جس میں توسیع کرتے ہو ئے 15 مارچ 2022 کر دی گئی ہے۔

آج یہاں جاری ایک بیان میں یہ جانکاری دیتے ہوئے سینٹرل بورڈ آف ڈائریکٹ ٹیکس (سی بی ڈی ٹی) نے کہا کہ یہ فیصلے ٹیکس دہندگان اور دیگر اسٹیک ہولڈرز کو کورونا کی وجہ سے درپیش مشکلات کے پیش نظر لیے گئے ہیں۔

سی بی ڈی ٹی نے کہا کہ مالی سال 2020-21 کے لیے مختلف آڈٹ رپورٹس داخل کرنے کی آخری تاریخ جو 15 جنوری کو ختم ہوتی ہے اب اسے بڑھا کر 15 فروری 2022 کر دیا گیا ہے۔انہوں نے کہا کہ اس سلسلے میں ایک سرکلر جاری کر دیا گیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔