ایندھن قیمتوں نے پھر دیا عوام کو جھٹکا! ڈیزل کے بعد پٹرول کے داموں میں بھی اضافہ

دہلی میں پٹرول کی قیمتوں میں 20 پیسے کا اضافہ کیا گیا ہے، جبکہ ڈیزل کی قیمتوں میں ایک ساتھ 75 پیسے بڑھائے گئے ہیں۔

پٹرول ڈیزل / یو این آئی
پٹرول ڈیزل / یو این آئی
user

قومی آوازبیورو

ملک کے عوام پر پٹرولیم مصنوعات کی قیمتوں کا بوجھ لگاتار بڑھتا جا رہا ہے۔ ڈیزل کی قیمتوں میں جہاں رواں ہفتہ چار مرتبہ اضافہ کیا جا چکا ہے، وہیں آج تقریباً دو مہینے کے بعد پٹرول کے داموں میں بھی اضافہ کر دیا گیا۔ دہلی میں پٹرول کی قیمتوں میں 20 پیسے کا اضافہ کیا گیا ہے، جبکہ ڈیزل کی قیمتوں میں ایک ساتھ 75 پیسے بڑھائے گئے ہیں۔ خیال رہے یہ تیل کمپنیوں نے 24، 26 اور 27 ستمبر کو ڈیزل کے داموں میں اضافہ کیا تھا۔

واضح رہے کہ مدھیہ پردیش، راجستھان، مہاراشٹر، آندھرا پردیش، تلنگانہ، کرناٹک، اوڈیشہ، جموں و کشمیر اور لداخ سمیت ملک کی بیشتر ریاستوں میں پٹرول کے دام 100 سے زیادہ ہو گئے ہیں۔ ملک کے چار بڑے شہروں میں پٹرول کی قیمت سب سے زیادہ ہے جبکہ مدھیہ پردیش کی راجدھانی بھوپال میں پٹرول 110 روپے فی لیٹر کے قریب ہے۔


ایندھن قیمتوں میں تازہ اضافہ کے بعد دہلی میں پٹرول کے دام 101.39 روپے فی لیٹر جبکہ ڈیزل کے دام 89.57 روپے فی لیٹر تک جا پہنچے۔ اس کے علاوہ ممبئی میں پٹرول اور ڈیزل بالترتیب 107.47 اور 97.21 روپے فی لیٹر، بھوپال میں پٹرول 109.85 اور ڈیزل 98.45، کولکاتا میں پٹرول 101.87 اور ڈیزل 92.67 جبکہ چنئی میں پٹرول 99.15 روپے اور ڈیزل 94.17 فی لیٹر پر فروخت ہو رہا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔