ملک میں کساد بازاری نوٹ بندی اور جی ایس ٹی کی وجہ سے آئی، مودی کے وزیر کا اعتراف

مودی حکومت کے مرکزی وزیر مملکت پرتاپ چندر سارنگی نے اپنے ایک بیان میں کہا کہ جی ایس ٹی اور نوٹ بندی کی وجہ سے ملک اقتصافی بحران سے دو چار ہے، انہوں نے کہا کہ حالات کو جلد قابو کر لیا جائے گا۔

تصویر سوشل میڈیا
تصویر سوشل میڈیا
user

قومی آوازبیورو

ملک میں عوام کے بعد اب خود مودی حکومت میں وزیر نے بھی اعتراف کیا ہے کہ نوٹ بندی اور جی ایس ٹی ملک میں آنے والی کساد بازاری کی اہم وجہ ہے۔ مدھیہ پردیش کے سیہور ضلع کے اچھاور میں ایک تقریب کے دوران مرکزی وزیر مملکت پرتاپ چندر سارنگی نے اپنے ایک بیان میں کہا کہ نوٹ بندی اور جی ایس ٹی کی وجہ سے ملک اقتصافی بحران سے دو چار ہے، انہوں نے کہا کہ حالات کو جلد قابو کر لیا جائے گا۔

پرتاپ چندر سارنگی نے کہا کہ کسی بھی کمپنی اور صنعتی ملازمین سے ان کی ملازمت نہیں چھینی جائے گی۔ وزیر نے کہا کہ صبح ہونے سے پہلے رات گہری ہوتی ہے۔ مندی سے کاروبار پر کوئی خاص فرق نہیں پڑے گا۔ اس سے ابرنے کے لئے مرکزی حکومت کوششیں کر رہی ہے۔


دریں اثنا سارنگی گائے اور رام کے نام پر سیاسی بیان دینے سے بھی نہیں چوکے۔ انہوں نے کہا کہ گائے اور رام سیاست کا نہیں بلکہ قومی وقار کا مدعا ہے، گائے کو کسی مذہب سے نہیں جوڑنا چاہیے۔ انہوں نے کہا کہ مدھیہ پردیش حکومت نے ایک ہزار گئوشالائیں بنانے کا عہد کیا ہے جوکہ اچھی بات ہے۔ اس کام میں وہ حکوت کی مدد کریں گے۔

اس دوران کمل ناتھ حکومت میں مویشی پروری کے وزیر لاکھن سنگھ یادو بھی موجود رہے۔ سارنگی کے بیان سے قبل لاکھن یادو نے کہا کہ بی جے پی نے 15 سال صوبہ میں حکومت کی لیکن گائے اور رام کے انم پر سیاست کرنے والی بی جے پی حکومت نے گائیوں کے لئے کچھ نہیں کیا۔ انہوں نے سارنگی صلاح دیتے ہوئے کہ بھی کہا کہ انہیں رام اور گائے کے نام پر سیاست نہیں کرنی چاہئے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔